पिंपरी - पुणे-मुंबई महामार्गावर दापोडी ते निगडीदरम्यानच्या सुरू असणाऱ्या विकासकामांमुळे या रस्‍त्‍याच्‍या ‘सेफ्टी ऑडिट’ला अडथळा निर्माण झाला आहे.
दापोडी ते पिंपरीदरम्यानच्या मेट्रोचे काम; तर निगडीतील भक्‍ती-शक्‍ती चौकात उड्डाण पुलाचे काम सुरू आहे. त्यामुळे अनेक दिवसांपासून येथील सेफ्टी ऑडिट होऊ शकलेले नाही. मेट्रोच्या कामांमुळे दापोडी ते चिंचवडदरम्यानच्या रस्त्यावर वाहतूकव्यवस्थेत बदल केला आहे. सेफ्टी ऑडिट करताना वाहतुकीसाठी रस्ता सुरक्षित असणे आवश्‍यक असते. मात्र, तशी परिस्थिती सध्या नाही. निगडी ते दापोडीदरम्यानची बीआरटी सेवाही सलग नाही. मेट्रोमुळे अनेक ठिकाणी तिचा मार्ग विसंगत झाला आहे.
फुगेवाडीतील सीएनजी पंपावर उलट्या दिशेने वाहने येतात. त्यामुळे तेथील चौक धोकादायक बनला आहे. जलद प्रवासासाठी वाहनचालकांकडून सेवारस्त्याचा वापर केला जातो. तो रस्ताही खराब झालेला आहे. कासारवाडी परिसरात रिक्षाचालकांची गर्दी, बसथांबा, मेट्रोची जड वाहने यामुळे येथे वाहतूक विस्कळित होते. ग्रेडसेपरटरमधील रस्ता वाहतुकीसाठी बंद ठेवण्यात येत असल्याने सेवारस्त्याचा ताण वाढला आहे. भक्‍ती-शक्‍ती चौकातही उड्डाण पुलाचे काम सुरू असल्याने वाहने चालवणे धोकादायक झाले आहे. यामुळे हा रस्ता धोकादायक बनला आहे.
मेट्रोचे काम पूर्ण झाल्यानंतर त्यांनी या रस्त्याचे सेफ्टी ऑडिट करावे. सुरक्षित वाहतुकीसाठी आवश्‍यक असणाऱ्या उपाययोजनांची पूर्तता करावी. त्यामुळे वाहतूक सुरक्षित होण्यास मदत होणार आहे.
- विजय भोजने, प्रवक्‍ते, बीआरटी
प्रमुख समस्या...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.