पुणे : मंदिरासमोर लावलेली कार पार्कींगमधून बाहेर काढत असताना अपंग व्यक्ती कारखाली येऊन चिरडल्याने त्याचा मृत्यू झाला. ही घटना चंदननगर येथे मंगळवारी दुपारी पावणे एक वाजता घडली. याप्रकरणी कार चालकास चंदननगर पोलिसांनी अटक केली आहे. अर्जुन सुरेश पिटेकर (वय 20, रा.आंबेडकर वसाहत, चंदननगर) असे मृत्युमुखी पडलेल्या अपंग व्यक्तीचे नाव आहे. याप्रकरणी मुंबईच्या एकाला अटक केली असून, पोलिस अजून त्याची चौकशी करत असल्याचे समजते.

मनसेच्या इंजिनला चावी मिळणार; पुण्यात असणार 'हे' उमेदवार

पोलिस कर्मचारी एल.एस.पठाण यांनी दिलेल्या माहितीनुसार, अर्जुन पिटेकर यांचे आई-वडील मोलमजुरी करतात तर, अर्जुन दोन्ही पायांनी अपंग असल्याने चंदननगर येथील विडी कामगार वसाहतीमध्ये असलेल्या नवग्रह मारुती मंदिरासमोर भाविकांकडे पैसे मागून स्वतःचा उदरनिर्वाह भागवित असे. आरोपी हा खासगी कार चालक असून, तो मंगळवारी दुपारी प्रवाशांना घेऊन नवग्रह मंदिरामध्ये दर्शनासाठी आला होता. प्रवाशांचे दर्शन झाल्यानंतर तो पार्कींगमधून कार बाहेर काढत होता, त्याचवेळी अर्जुन पिटेकर हे कारच्या समोरील बाजुस आल्याचे चालकास दिसले नाही. त्याने कार बाहेर काढल्यानंतर अर्जुन पिटेकर यांच्या अंगावरुन कार गेली. त्यामध्ये ते गंभीर जखमी झाल्याने त्यांना तातडीने खासगी रुग्णालयामध्ये उपचारासाठी दाखल करण्यात आले. मात्र उपचारापूर्वीच त्यांचा मृत्यू झाला.

पुणेकरांनो काळजी घ्या; पुण्यात आणखी पाच दिवस पाऊस