पुणे : खडकवासला धरण साखळी क्षेत्रात सुरु असलेल्या संततधार पावसामुळे खडकवासला धरणातून पाण्याचा विसर्ग सुरु वाढविण्यात आला आहे. मात्र अद्याप डेक्कन भिडे पुल पाण्याखाली गेलेले नाही. त्यामुळे भिडे पुल व नदीपात्रातील रस्ता अद्याप सुरळीत सुरु आहे.

ताज्या बातम्यासाठी डाऊनलोड करा ई-सकाळचे अॅप

पुण्याच्या बातम्या वाचण्यासाठी येथे क्लिक करा

खडकवासला धरण साखळीमध्ये मागील काही दिवसांपासुन पावसाची संततधार सुरु आहे. त्यातच सोमवारी सकाळपासुन धरणातुन 9 हजार क्यूसेक इतक्या पाण्याचा विसर्ग सुरु करण्यात आला आहे. तर नदीला 16 हजार क्यूसेकपेक्षा जादा पाणी सोडल्यानंतर डेक्कन येथील भिडे पुल पाण्याखाली जात असल्याचे सूत्रांनी सांगितलेदरम्यान खडकवासला 100 टक्के, पानशेत 98 टक्के, वरसगाव 80 टक्के व टेमघर ही धरणे जवळपास तितकेच भरले आहे. त्यातच पावसाचे प्रमाण वाढल्यास पानशेतमधुन पाण्याचा विसर्ग सुरु करण्यात येण्याची शक्यता नाकारता येत नाही.

पुणे विद्यापीठाने करून दाखविले; कोरोनामुळे सुरक्षितपणे परीक्षा घेण्याचे होते मोठे आव्हान

डेक्कन वाहतूक विभागाचे पोलिस उपनिरीक्षक बोठे म्हणाले, "खडकवासला धरणातून जादा विसर्ग केल्यामुळे शनिवारी रात्री भिडे पुल पाण्याखाली गेला होता, मात्र काही तासातच हे पाणी कमी झाले. त्यानंतर पाण्याचा विसर्ग सुरु आहे, परंतु अजुन भिडे पुल पाण्याखाली जाण्याची स्थिती नाही. त्यामुळे या पुलावरुन वाहतूक नेहमीप्रमाणे सुरु आहे." 

खडकवासला धरणातून पुन्हा विसर्ग वाढवला; जाणून घ्या धरणांमधील पाणीसाठा!