बारामती : राज्याच्या मुख्य सचिवांकडून कोरोनाच्या काळात काढलेले सर्व आदेश इंग्रजीत असून मराठी माणसाला हे आदेश समजलेच नाहीत, मराठी भाषेत आदेश देणा-या मुख्य सचिवांविरुध्द कारवाईची मागणी राज्य ग्राहक संरक्षण परिषदेचे सदस्य तुषार झेंडेपाटील यांनी राज्यपालांकडे केली आहे. राज्यात एक एप्रिलपासून कोरोना संसर्गाची साखळी तोडण्यासाठीचे अनेक आदेश जारी करण्यात आले आहेत. हे आदेश मुख्य सचिवांच्या सहीने इंग्रजीतून जारी केलेले आहेत. ज्या आदेशांचे पालन जनतेने करायचे आहे त्यांच्यापर्यंत इंग्रजी भाषेतील हे आदेश पोहोचले का हा संशोधनाचा विषय असल्याचे झेंडे पाटील यांनी पत्रात नमूद केले आहे.
सोशल मिडीयावर हे आदेश प्राप्त झाल्यानंतर याची कार्यवाही सुरु झाली. मात्र ग्रामीण भागातील गावात हे आदेश पोहोचले का, गावातील दवंडी रजिस्टरला त्याची नोंद घ्यावी लागते, ती घेतली गेली का असे अनेक प्रश्न या निमित्ताने उपस्थित होतात. मुख्य सचिवांच्या इंग्रजी भाषेतील आदेश मंत्री मंडळातील सदस्यांना तरी नीटसे समजले का हा प्रश्न असल्याचेही झेंडे पाटील यांनी पत्रात नमूद केले आहे. महाराष्ट्राची राजभाषा मराठी असून सर्व आदेश ग्रामपंचायतीपर्यंत मराठीतच जायला हवा, या प्रकरणी मुख्य सचिवांवर शिस्तभंगाची कारवाई व्हायला हवी अशी मागणी झेंडे यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.