पुणे : भामा-आसखेड धरणातून पाण्याचा कोटा मंजूर केल्यामुळे खडकवासला साखळी धरणातून शहराला होत असलेल्या पाणी कोट्यात कपात करण्याच्या हालचाली जलसंपदा विभागाने सुरू केल्या आहेत. त्याची कबुली उपमुख्यमंत्री अजित पवार यांनी देखील शुक्रवारी (ता.१) जाहीर कार्यक्रमात दिली. मात्र ग्रामपंचायतीच्या निवडणुकीनंतर सर्व संबंधितांनी एकत्रित बोलून त्यासंदर्भात बैठक घेऊ, असे आश्‍वासन पवार यांनी दिले. 

- महाराष्ट्राच्या पोरींनी इतिहास घडवला; राजपथावर परेडसाठी तिघींची निवड​

महापालिकेच्या वतीने उभारण्यात आलेल्या भामा आसखेड प्रकल्पाचे लोकार्पण आज उपमुख्यमंत्री पवार आणि विरोधी पक्षनेते देवेंद्र फडणवीस यांच्या उपस्थित झाला. भामा-आसखेड धरणातून पुण्यातला पाणी कोटा मंजूर झाल्यामुळे खडकवासला साखळी धरणातून शहराला होणाऱ्या पाणी कोट्यात कपात करण्यात यावी, यासाठी जलसंपदा विभागाने हालचाली सुरू केल्या आहेत. परंतु शहराची वाढती लोक संख्या आणि नव्याने समाविष्ट झालेली 23 गावे यांचा विचार करता हा निर्णय घेऊ नये, अशी मागणी महापौर मुरली मोहोळ यांनी विनंती केली. 

- Video: रंगीबेरंगी त्यांची दुनिया, पण 'थर्टी फस्ट'च्या रात्री अख्खं कुटुंब राहिलं उपाशी!​

तोच धागा पकडून पुणे शहराचा आमदार म्हणून मी देखील दादा ही विनंती करतो की शहराच्या पाणी कोट्यात कपात करू नये, असे चंद्रकांत पाटील म्हणाले. महापौर आणि पाटील यांच्या उभे भाषणासाठी पवार उभे राहिले. खडकवासला धरणसाखळीतून पुणे शहरासाठी असलेल्या पाणी कोट्यात कपात करण्यासंदभार्त जलसंपदा विभागाच्या अधिकाऱ्यांनी माझी भेट घेतल्याची कबुली दिली.

- Video: अजित पवार आणि देवेंद्र फडणवीसांच्या कार्यक्रमात गोंधळ; सभागृहाबाहेर कार्यकर्ते भिडले!​

पवार म्हणाले, "शेतीला पाणी कमी पडू लागले आहे. त्यामुळे भामा आसखेड मधून पाणी आणावे लागले. जलसंपदाची लोकं भेटली. भामा-आसखेड योजना सुरू झाले की खडकवासालाचे 2 टीएमसी पाणी शेतीला दिल्यास त्यातून एक आवर्तन होईल, असे सांगत आहेत. ग्रामपंचायत निवडणुका झाल्या की याबाबत एकत्रित बैठक घेऊन यातून मार्ग काढू.'' यावरून पुणे शहराच्या पाणी पुरवठ्यात पुन्हा एकदा कपात करण्याच्या हालचाली सुरू असल्याचे यावरून स्पष्ट झाले आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)