पिंपरी : कोरोनाचा प्रादुर्भाव रोखण्यासाठी शहरातील दिघी, घरकुल, खराळवाडी व थेरगाव अशा चार भागातील काही परिसर बुधवारी (ता. ८) मध्यरात्री १२ वाजेपासून सील करण्यात येणार आहेत, अशी माहिती महापालिका आयुक्त श्रावण हर्डीकर यांनी दिली.

बातम्या ऐकण्यासाठी डाऊनलोड करा ई-सकाळचे ऍप

कोरोना संसर्गामुळे शहरात आरोग्य विषयक आपत्कालीन परिस्थिती निर्माण झाली आहे. त्यावर उपाययोजना म्हणून व शहरातील बाधित रुग्णांची संख्या विचारात घेऊन काही भागात नागरिकांच्या फिरण्यावर मर्यादा आणणे आवश्यक आहे. त्यामुळे पुढील आदेश येईपर्यंत शहरातील चार भाग सील करण्यात येत असल्याचे हर्डीकर यांनी सांगितले. ​

Coronavirus:स्थानिक संपर्कातून सर्वाधिक रुग्ण; पुण्यात कोरोनाचे 142 पैकी 122 रुग्ण परदेश दौरा न केलेले

हे भाग  सील
- घरकुल, चिखली : बिल्डिंग ए-1 ते 20. पवार इंडस्ट्रीयल परिसर, नेवाळे वस्ती.

- जामा मशीद, खराळवाडी, पिंपरी : गिरमे हाॅस्पिटल- अग्रसेन लायब्ररी- क्रिष्णा ट्रेडर्स- चैताली पार्क सोसायटी- खराळ आई गार्डन- ओम हाॅस्पिटल-  ओरिएंटल बँक- सीटी प्राईड हाॅटेल- क्रीस्टल कोर्ट हाॅटेल.

- कमलराज बालाजी रेसिडेन्सी, रोडे हाॅस्पिटल, दिघी : एमव्हीएस
काॅम्प्युटर- सर्वथा गिफ्ट शाॅपी- साई मंदिर- अनुष्का आॅप्टिकल- रोडे हाॅस्पिटल. 

- शिवतीर्थनगर, पडवळनगर, थेरगाव : शिरोळे क्लिनिक- गणेश मंदिर- निदान क्लिनिक- किर्ती मेडिकल- रेहमानिया मशीद- आॅर्किड हाॅस्पिटल- अशोका सोसायटी.

Coronavirus: कोरोनाबाधित वाढताहेत, घराबाहेर पडू नका