उंडवडी (पुणे) : बारामती तालुक्यातील जळगाव सुपे येथे रोजगार हमी योजनेअंतर्गत सुरु असलेल्या रस्त्याच्या कामाला खासदार सुप्रिया सुळे यांनी आज अचानक भेट देवून कामावर असलेल्या मजुरांशी संवाद साधून विचारपूस केली. सॅनीटायझर वापरता का, सुरक्षितता बाळगता का? असे प्रश्न विचारले.
या वेळी प्रांताधिकारी दादासाहेब कांबळे, तहसीलदार विजय पाटील, गटविकास अधिकारी राहुल काळभोर, जिल्हा परिषद सदस्य भरत खैरे, बारामती पंचायत समितीच्या सभापती नीता बारवकर, उपसभापती प्रदीप धापटे, राष्ट्रवादी कॉंग्रेसचे तालुकाध्यक्ष संभाजी होळकर, माजी सरपंच लक्ष्मणराव जगताप, सरपंच अंजना खोमणे, उपसरपंच मीराबाई जगताप, ग्रामसेवक गणेश लडकत यांच्यासह ग्रामपंचायत सदस्य व ग्रामस्थ उपस्थित होते.
जळगाव सुपे येथे ग्रामपंचायतीच्या वतीने गेल्या महिन्यापासून रोजगार हमी योजनेअंतर्गत अंजनगाव शिव रस्ता ते जळगाव सुपे या रस्त्याचे काम सुरु करण्यात आले आहे. या कामावर सध्या 226 मजूर काम करत आहेत. या कामाला खासदार सुप्रिया सुळे यांनी भेट देवून रस्त्याची पाहणी केली. या वेळी त्यांनी या कामावर काम करत असलेल्या मजूरांशी संवाद साधून माहिती घेतली.
या वेळी सुळे यांनी मजुरांना काम कसं चालले आहे, कामाचे पगार बॅंक खात्यावर वेळेत होतात का, मास्क सनीटायझर वापरता का, सुरक्षितता बाळगता का? असे प्रश्न विचारले. तसेच, रोजगार हमीतून झालेल्या कामाचे कौतुक केले.
यावेळी ग्रामसेवक गणेश लडकत व रोजगार सेवक राधेश्याम खोमणे यांनी या कामाची तांत्रिक माहिती खासदार सुळे यांना दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.