वाघोली : वाघेश्वर तरुण मंडळाचा 61 वा वर्धापनदिन व माजी जिल्हा परिषद सदस्य रामदास दाभाडे यांच्या वाढदिवसानिमित्त गरीब व बांधकाम मजूर कुटुंबांना 5000 किट धान्याचे वाटप करण्यात आले. ज्यांच्या कडे शिधा पत्रिका नाही व ज्यांचे नाव जिल्हा परिषद शरद भोजन योजनेत समाविष्ट नाही अशा गरीब व मजूर कुटुंबांना हे धान्याचे किट वाटप करण्यात आले.

- पुणे- नाशिक रेल्वेबाबत खासदार डॉ. अमोल कोल्हे काय म्हणाले पाहा!

ग्रामपंचायत कार्यालया शेजारील जिल्हा परिषद शाळेच्या मैदानावर सामाजिक अंतर ठेवत वाटप करण्यात आले. गर्दी होऊ नये यासाठी सहा वॉर्ड साठी सहा दिवस देण्यात आले होते. त्या दिवशी त्या वॉर्डातील नागरिकांनी हे धान्य किट स्वीकारले. यामध्ये गहू व तांदुळाचा समावेश होता. शिधा पत्रिका धारकांना त्यावरील धान्य मिळाले तर जिल्हा परिषद शरद भोजन योजनेत अनेकांना धान्य मिळाले. मात्र मजुरांची व गरीब कुटुंबांची संख्या जास्त असल्याने व त्यांना कोणत्याच योजनेत धान्य मिळाले नसल्याने हा उपक्रम राबविण्यात आला.

- '...अन्यथा सरकारला हस्तक्षेप करावा लागेल'; अजित पवारांनी कुणाला दिला इशारा?

ग्रामपंचायत, नागरिक, व्यापारी यांनी दररोज सुमारे 10 ते 12 हजार नागरिकांना जेवणही पुरवले. गावी जाण्यापूर्वी अनेक परप्रांतीयांना याचा लाभ मिळाला. वाघोलीत अनेक ग्रहकुल सोसाट्या आहेत. त्यामुळे घर काम करणाऱ्या महिलांची संख्याही मोठी आहे. मात्र लॉकडाउन सुरू झाले अन त्यांच्याही कामांना ब्रेक लागला. यामुळे त्यांची आर्थिक घडी पूर्ण विस्कटली. बांधकाम साईटवरही मजुरांची संख्या हजारोत होती. त्यांच्या हाताला ही काम नसल्याने त्यांचेही हाल सुरु झाले होते. यासर्वांनाच याकाळात मदतीचे अनेक हात पुढे आले. धान्य वाटप प्रसंगी ग्रामपंचायत पदाधिकारी, तरुण मंडळाचे सदस्य, नागरिक आदी उपस्थित होते.