पुणे : कोरोनाच्या पार्श्वभूमीवर लॉकडाऊन कालावधीत पुणे शहर आणि जिल्ह्यातील केशरी कार्डधारकांना शनिवार (ता. 25) पासून अन्नधान्य पुरवठा सुरू करण्यात आला आहे.
ताज्या बातम्यांसाठी डाऊनलोड करा ई-सकाळचे ऍप
शहर आणि जिल्ह्यात अन्न सुरक्षा योजनेमध्ये समावेश नसलेल्या केशरी कार्डधारक लाभार्थ्यांना धान्य वितरित करण्यात येणार आहे. यासाठी 6 हजार 883 टन धान्य मंजूर करण्यात आले आहे. 5 मे पर्यंत केशरी शिधापत्रिकाधारकांना अन्नधान्य वितरीत करण्यात येणार आहे.
धान्य पावतीव्दारे रजिस्टरवर नोंद करुन वाटप करण्यात येईल. त्यासाठी शिधापत्रिकाधारकाचा मोबाईल क्रमांक आणि आधार क्रमांक देणे आवश्यक आहे. ज्यांच्या केशरी शिधापत्रिका नाहीत त्यांना अन्नधान्य या योजनेतून देता येणार नाही.
केशरी कार्डधारकांना आपापल्या स्वस्त धान्य दुकानातूनच योजनेचा लाभ घेता येईल असे जिल्हाधिकारी राम यांनी स्पष्ट केले.
फुलविक्रेत्याची अशीही माणुसकी; अंत्यसंस्कारासाठी...
हाताच्या ठशाऐवजी आधार क्रमांक :
कोरोनाचा प्रादूर्भाव होऊ नये, यादृष्टीने कार्डधारकाची स्वाक्षरी अथवा अंगठ्याचा ठसा न घेता त्याऐवजी शिधापत्रिकेतील कुटुंबप्रमुखाचा अथवा अन्य सदस्याचा आधार क्रमांक घेऊन धान्य वितरीत करण्यात येईल.
पुणे जिल्ह्यातील अंगणवाडीच्या बालकांसाठी मोठा निर्णय!
60 शिवभोजन थाळी केंद्र कार्यान्वित :
पुणे ग्रामीण भागातील 13 तालुक्यामध्ये 60 शिवभोजन केंद्र कार्यान्वित असून, 7 हजार 150 थाळयांचे उद्दिष्ट देण्यात आले आहे. त्यापैकी 25 एप्रिलअखेर 5 हजार 667 थाळयांचे वाटप करण्यात आल्याचे जिल्हाधिकारी नवल किशोर राम यांनी सांगितले.
मोफत तांदूळ वितरण :
प्रधानमंत्री गरीब कल्याण योजनेअंतर्गत एप्रिल ते जून पर्यंत प्रती लाभार्थी प्रति महिना 5 किलो तांदूळ मोफत देण्यात येत आहे. प्रधानमंत्री गरीब कल्याण योजनेअंतर्गत मोफत तांदूळ वितरित करण्यासाठी 13 हजार 377 टन तांदूळाची प्रत्यक्षात उचल करण्यात आली आहे.
धान्य अपहार करणार्‍या 19 दुकानदारांवर कारवाई
लॉकडाऊनच्या कालावधीतही धान्याचा अपहार आणि अनियमिततेबाबत तक्रारी प्राप्त होत आहेत. जिल्ह्यातील सर्व तहसीलदारांना तक्रारींच्या अनुषंगाने स्वस्त धान्य दुकानांच्या तपासण्या करण्याबाबत सूचना देण्यात आल्या आहेत. प्रत्येक दुकानामध्ये प्राथमिक शिक्षकांची नेमणूक करण्याबाबत सूचना देण्यात आल्या आहेत. त्यानुसार 19 स्वस्त धान्य दुकानांवर कारवाई करण्यात आली आहे. त्यापैकी 4 परवाने रद्द करण्यात आले आहेत. 3 धान्य दुकानदारांच्या परवान्याप्रकरणी दंडनीय कारवाई करण्यात आली आहे. तर, 11 परवाने निलंबित करण्यात आले आहेत. धान्याच्या तफावतीची रक्कम शासनजमा करण्याचे आदेश देण्यात आले आहेत, अशी माहिती जिल्हा पुरवठा अधिकारी भानुदास गायकवाड यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.