पुणे : तुम्हाला परदेशात जायचेय, तुम्हाला चांगली नोकरी करायची आहे, अशी आयुष्यात येणारी कुठलीच सुवर्णसंधी तुम्हाला गमवायची नाही ना, तर मग नववर्षाचे स्वागत करताना उत्साहाच्या, आनंदाच्या भरात मद्यपान करु नका, अन्यथा तुम्ही वाहतुक पोलिसांच्या 'ड्रंक ऍन्ड ड्राईव्ह' (डिडी) कारवाईमध्ये अडकला आणि पुढे तुमच्या संधी कायमच्या हिरावल्या जाऊ शकतात! शहरात 130 हून अधिक ठिकाणांवर पोलिस मद्यपी वाहनचालकांची चाचणी घेऊन मद्यपी वाहनचालकावर कारवाईचा बडगा उगारणार आहेत.
नववर्षाचे स्वागत करताना तरुणाईकडून मद्यपानला प्राधान्य दिले जाते. त्यानंतर याच मद्यपी वाहने चालवितात. त्यांच्यामुळे मद्यपी अपघात होऊन त्यांच्यासह सर्वसामान्य नागरीकांच्याही जीवाला धोका निर्माण होतो. या पार्श्‍वभुमीवर पुणे पोलिसांकडून 31 डिसेंबरच्या रात्री दहा वाजल्यापासून ते एक जानेवारीला पहाटे पाच वाजेपर्यंत दारु पिऊन वाहने चालविणाऱ्यांविरुद्ध "ड्रंक ऍन्ड ड्राईव्ह अंतर्गत कारवाई केली जात आहे.
थर्टी फर्स्ट, मानवंदना दिनासाठी सतराशे पोलिसांची ‘नजर’
'ड्रंक ऍन्ड ड्राईव्ह'ची कारवाई हिरावून घेईल संधी
पोलिसांकडून मद्यधुंद वाहनचालकांना ताब्यात घेतल्यानंतर त्यांची इत्यंभुत माहिती घेतली जाते. त्याच्याविरुद्ध न्यायालयात खटलेही दाखल होतात. पोलिसांकडे असणारी संबंधीत वाहनचालकांची नोकरी, चारित्र्य पडताळणी, पासपोर्ट, व्हिसाद्वारे परदेशवारीला अडथळा ठरणार आहे. त्यामुळे वाहन चालविताना मद्यपान करण्याचा प्रयत्न वाहनचालकांनी करू नये
मद्यपान करणाऱ्यांचे होणार 'शुटींग'
मद्यपान करुन वाहन चालविताना पोलिसांच्या चाचणीमध्ये आढळल्यानंतर पोलिसांकडून त्यांच्यावर कडक कारवाई केली जाणार आहे. 130 हून अधिक ठिकाणी स्थिर, भरारी पथके व साध्या वेशातील पोलिसांचे गट मद्यपी वाहन चालकांची चाचणी घेणार आहेत. या संपुर्ण चाचण्यांचे छायाचित्रीकरण व शुटींग घेतले जाणार आहे
..तर वाहनेही होणार जप्त !
आत्तापर्यंत मद्यधुंद अवस्थेत वाहने चालविल्यास न्यायालयात खटले दाखल केले जात होते. मात्र, आता मद्यपान करुन वाहने चालविताना दोषी आढळल्यास संबंधीत व्यक्तींची वाहने तत्काळ जप्त करण्यात येणार आहेत किंवा पोलिस संबंधीत वाहने ताब्यात घेणार आहेत. डीडी चाचण्यांमध्ये दोषी ठरलेली सर्व वाहने तिथल्या तिथे जप्त / ताब्यात घेतली जातील.
कोरेगाव भीमाला जातायं? असा आहे वाहतुकीचा मार्ग
"मद्यधुंद वाहनचालकांमुळे अपघात होऊन त्याच्यासह इतरांच्याही जीवाला धोका असतो. अनेक अपघात मद्यपी वाहनचालकांमुळे घडतात. म्हणूनच मद्यपान करुन वाहने चालवू नयेत. अन्यथा त्यांच्यावर कडक कारवाई केली जाईल. या कारवाईचा नंतर चारित्र्य पडताळणी, नोकरी, पासपोर्ट, व्हिसा व अन्य कारणांसाठी मोठी अडचण ठरेल.''
- डॉ.के.वेंकटेशम, पोलिस आयुक्त.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.