पुणे : शहरात कोरोनाचे रुग्ण वाढत असताना अद्यापही काही जणांना गांभीर्य आलेले नाही, मास्क घालत नाहीत, नियमांचे उल्लंघन करत आहेत, त्यामुळे पुन्हा लाॅकडाऊन करण्याचा कठोर निर्णय घेतला आहे. यात कोणाला त्रास देण्याचा उद्देश नाही, असे उपमुख्यमंत्री अजित पवार यांनी स्पष्ट केले. अजित पवार यांनी पुण्यातील 'छत्रपती शाहू महाराज संशोधन, प्रशिक्षण व मानव विकास संस्थे'ला (सारथी) भेट दिली. त्यानंतर त्यांनी पत्रकारांशी संवाद साधला.
पुणे, पिंपरी-चिंचवड व जिल्ह्यातील स्थितीचा आढावा घेतला, अधिकाऱ्यांशी चर्चा केली. यात साखळी तोडणे आवश्यक असल्याने याबाबत मुख्यमंत्री उद्धव ठाकरे यांच्याशी गुरुवारी (ता.९) रात्री चर्चा केली होती. त्यानंतर पुन्हा पुणे पोलिस आयुक्तालय, पिंपरी-चिंचवड पोलिस आयुक्तालयाच्या हद्दीत लाॅकडाऊन करण्याचा निर्णय घेतला आहे.
लाॅकडाऊन जाहीर केल्याने काही लोकांना त्रास होईल, पण रुग्ण संख्या वाढत असल्याने आणि पावसाळ्यात नवीन साथीचे रोग ही निर्माण होतात. त्यामुळे पुन्हा एकदा लाॅकडाऊन करण्याचा निर्णय घ्यावा लागला. आता लाॅकडाऊन केले म्हणजे पहिला लाॅकडाऊन फसला असे होत नाही. काही वेळेला परिस्थिती बघून निर्णय घ्यावे लागतात. अनेक देशांनी दुसऱ्या वेळी लाॅकडाऊन केले, तसेच ठाण्यातही लाॅकडाऊन केले आहे, असे पवार यांनी सांगितले.
महापालिकांना आर्थिक मदत
मुंबई महापालिकेची आर्थिक स्थिती चांगली आहे. पुणे सोलापूर, पिंपरी चिंचवड, नाशिक यासह सर्वच महापालिकांचे आर्थिक उत्पन्न घटले आहे, त्यांना मदत करावी लागणार आहे. तसेच लाॅकडाऊनच्या काळात सरकारने शेतकऱ्यांचे ८ हजार ५०० कोटी रुपयांचे कर्ज माफ केले आहे, असे पवार यांनी सांगितले.
- पुण्याच्या बातम्या वाचण्यासाठी येथे ► क्लिक करा
दोन दिवसात सामान भरून घ्या
"लाॅकडाऊन काळात जीवनावश्यक वस्तूंची दुकाने सुरू राहणार आहेत, पण अनेकांच्या घरात वस्तू नसतील, त्यामुळे त्यांना दोन दिवसांची मुदत देण्यात आली आहे. या काळात नागरिकांनी भाजीपाला, इतर वस्तू भरून घ्याव्यात. कोरोनाला रोखण्यासाठी साखळी तोडणे आवश्यक आहे, त्यामुळे हा पुन्हा लाॅकडाऊन करत आहोत," असे पवार यांनी सांगितले.
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.