पुणे : अध्यापनाचे अतिरीक्त विषय मंजूर करण्यासाठी 25 हजार रुपयांची लाच स्वीकारणाऱ्या कर्मचाऱ्यास लाचलुचपत प्रतिबंधक विभागाच्या (एसीबी) पथकाने अटक केली. त्याच्याविरुद्ध बंडगार्डन पोलिस ठाण्यात गुन्हा दाखल करण्यात आला आहे. राजू पोपट खांदवे (वय 31) असे 'एसीबी'च्या पथकाने अटक केलेल्या संशयित आरोपीचे नाव आहे.
पथकाच्या अधिकाऱ्यांनी दिलेल्या माहितीनुसार, फिर्यादी हे शिक्षण क्षेत्राशी संबंधित आहेत. त्यांनी विभागीय शिक्षण उपसंचालक कार्यालयामध्ये अध्यापनासाठी अतिरीक्त विषय मंजूर करण्यासाठी अर्ज केला होता. मात्र, त्यांचे काम अनेक दिवस प्रलंबित होते.
दरम्यान, संबंधित कार्यालयामध्ये शिपाई म्हणून काम करणाऱ्या राजू खांदवे याने अतिरीक्त विषय मंजूर करण्यासाठी तक्रारदाराकडे 50 हजार रुपयांची लाच मागितली होती. तडजोडीअंती तक्रारदार आणि खांदवे यांच्यामध्ये 26 हजार रुपये देण्याचे ठरले.
तक्रारदारांनी याबाबत 'एसीबी'कडे तक्रार नोंदविली. 'एसीबी' कार्यालयाने त्याची दखल घेऊन पडताळणी केली. त्यानंतर शुक्रवारी (ता.6) सायंकाळी पुणे स्टेशन येथील विभागीय शिक्षण उपसंचालक कार्यालयामध्ये पथकाने सापळा लावला. त्या वेळी तक्रारदार यांच्या 26 हजार रुपयांची लाच घेताना खांदवे यास अटक करण्यात आली. त्याच्याविरुद्ध बंडगार्डन पोलिस ठाण्यात गुन्हा दाखल करण्यात आला.
न्यायालयासमोर त्याला हजर केल्यानंतर न्यायालयाने 11 डिसेंबरपर्यंत पोलिस कोठडी सुनावली आहे. या प्रकरणाचा तपास पोलिस निरीक्षक सुनील बिले करीत आहेत. पोलिस अधिक्षक राजेश बनसोडे, अपर पोलिस अधिक्षक संजय पाटील यांच्या मार्गदर्शनाखाली श्रीहरी पाटील यांच्या पथकाने ही कामगिरी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.