पुणे : पुरंदर तालुक्याती मोठी बाजारपेठ असलेल्या नीरा येथे अखेर कोरोनाचा शिरकाव झाला. तसेच, जेजुरी येथेही कोरोनाचा धुमाकूळ सुरू झाला आहे. जेजुरी शहरात आज 8 कोरोना पॉझीटिव्ह रुग्ण सापडले. 

जेजुरी : जेजुरी शहरात आज 8 कोरोना पॉझिटिव्ह रुग्ण सापडले त्यामुळे जेजुरीत रुग्णांची संख्या आता 22 वरून 30 पर्यंत गेली असल्याची माहिती तहसीलदार रुपाली सरनोबत यांनी दिली. 

पोलिस काढणार रेखचित्रातून आरोपींचा माग, पाच दिवसांचा कोर्स

जेजुरी येथील कोरोना केअर सेंटरवरून 36 स्वॅब पाठविण्यात आले होते. त्यापैकी दहा रुग्णांचे रिपोर्ट पॉझिटिव्ह आले आहेत. त्यामध्ये जेजुरीतील आठ, कोळविहिरे येथील एक व नीरा येथील एक, अशा दहा रुग्णांची भर पडली आहे. जेजुरीत या पूर्वी 22 रुग्ण होते. त्यापैकी दोन ज्येष्ठांचा मृत्यू झाला होता. आता रुग्णांची संख्या 30 झाली आहे. तर, नीरेतील कोरोनाचा पहिलाच रुग्ण आहे. कोळविहिरे येथे या पूर्वीचा एक व आजचा एक, असे दोन रुग्ण झाले आहेत. पुरंदर तालुक्याच्या पूर्व भागात हळूहळू कोरोना पसरू लागला आहे. 

कोणाच्याही संपर्कात नाही तरीही कोरोना पाॅझिटिव्ह

गुळुंचे : कायम गजबजलेल्या व मोठी बाजारपेठ असलेल्या नीरा येथे अखेर कोरोनाचा शिरकाव झाला आहे. पुरंदर तालुक्याचे शेवटचे टोक असलेले नीरा येथे एका तरुणाचा स्वॅब अहवाल पॉझिटिव्ह आल्याने नीरेकरांच्या चिंतेत आता वाढ झाली आहे. सासवड, गराडे, आंबळे, जेजुरी, सोनोरी, वाघापूरबरोबरच आता नीरेतही कोरोना शिरला आहे. आतापर्यंत कोरोनामुक्त असलेल्या नीरा शहरात अखेर कोरोनाचा पहिला रुग्ण आढळला.