मंचर (पुणे) : २१ वर्षाच्या तरुणीच्या घरात घुसून तिचा विनयभंग करत तिला घरातून पळवून नेत असताना विरोध करणाऱ्या तिच्या कुटुंबियांना मारहाण करण्यात आली. ही घटना रांजणी – कारफाटा  (ता. आंबेगाव) येथे रविवारी  (ता. १६) रात्री घडली आहे. याप्रकरणी मंचर पोलिसांनी चार जणांच्या  विरोधात विनयभंग व मारहाणीचा गुन्हा दाखल केला आहे.

मोठी बातमी : 'या' पाच प्रभागांतील निम्म्या पुणेकरांना कोरोनाची लागण; सर्व्हेतून पुढे आली माहिती! 

आकाश संजय उबाळे, धनंजय वाघ (दोघे रा. उबाळमळा रांजणी ता. आंबेगाव) मयूर संजय विटकर, रोहित मदत कुरमे (दोघे रा. पिंपरी पुणे) अशी गुन्हा दाखल झालेल्यांची नावे आहेत. अक्टीव्हा (एमएच १४ एच. व्ही.६३३६) व मोटारसायकल (एमएच १२ डी. के ८१९७) या दुचाकी वाहनाद्वारे पिडीत तरुणीच्या घरासमोर आरोपी आले. आकाश उबाळे तरुणीच्या घरात गेला. ” मला तू आवडतेस, मला तुझ्याशी लग्न करायचे आहे. असे म्हणून तरुणीच्या मनास लज्जा उत्पन्न होईल. असे वर्तन केले.

- गणेशोत्सवात 'या' चार दिवशी ध्वनीवर्धक रात्री बारापर्यंत सुरू राहणार; पुणे पोलिसांनी केले जाहीर!​

तिचा हात पकडून बाहेर घेऊन जात होता. तरुणीची सुटका करण्यासाठी तिचे आई, वडील, आजी,चुलते आले असता त्यानांही धक्काबुक्की व मारहाण केली. मारहाणीमुळे चुलत्याच्या उजव्या हाताला दुखापत झाली आहे. या प्रकरणी पीडित तरुणीने पोलिसांकडे फिर्याद दिली आहे. पुढील तपास पोलिस नाईक ईश्वर कदम करत आहेत.