पुणे - शंभर टक्के जागा ताब्यात असल्याशिवाय निविदा काढू नका, अशा शब्दात पुन्हा एकदा केंद्र सरकारच्या जलशक्ती मंत्रालयाने पुणे महापालिकेला पत्र पाठवून आठवण करून दिली आहे. दरम्यान, ११ ठिकाणांपैकी पाच ठिकाणच्या सांडपाणी प्रक्रिया प्रकल्पासाठीच्या जागा अद्याप महापालिकेच्या ताब्यात आलेल्या नाहीत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

जायका प्रकल्पांतर्गत शहरात अकरा ठिकाणी सांडपाणी प्रक्रिया प्रकल्प उभारणीसाठी महापालिकेकडून फेरनिविदा काढण्याची प्रक्रिया सुरू करण्यात आली आहे. त्यासाठीचे इस्टिमेट तयार होऊन त्यास प्रशासकीय मान्यता देखील मिळाली आहे. त्यामुळे लवकरच निविदा मागविण्यात येणार आहे. असे असताना केंद्र सरकारच्या जलशक्ती मंत्रालयाचे उपसंचालक एस. के. सिंग यांनी दोन दिवसांपूर्वी पत्र पाठवून संपूर्ण प्रकल्पासाठीची जागा ताब्यात आल्याशिवाय निविदा प्रक्रिया राबविण्यात येऊ नये, अशा सूचना दिल्या आहेत.

पुणे विद्यापीठाने दोन्‍ही सत्रांच्या परीक्षा एकत्र घ्याव्यात; कुलगुरूंकडे मागणी

त्यासाठी १५ डिसेंबर २०२० रोजी महापालिका, जलशक्ती मंत्रालय आणि जायका यांच्या एकत्रित बैठक झाली होती. या बैठकीचा संदर्भ देत सिंग यांनी महापालिकेला हे पत्र पाठविले असून त्यांची प्रत सकाळकडे उपलब्ध झाली आहे.

सिंहगड रस्त्यावर हातात कोयता, पिस्तूल घेऊन नाचणे पडले महागात; व्हिडिओ व्हायरल

अशी आहे स्थिती

• महापालिकेकडून ११ ठिकाणी सांडपाणी प्रक्रिया प्रकल्प. 
• त्यापैकी बाणेर, वारजे, बॉटेनिकल गार्डन, धानोरी आणि खराडी येथील शंभर टक्के जागा महापालिकेच्या ताब्यात आलेल्या नाहीत
• त्यापैकी काही प्रकल्पांच्या जागा अंतिम टप्प्यात आहेत
• महापालिकेकडून निविदा मागविण्याची तयारी 
• जलशक्ती मंत्रालयाकडून आलेल्या पत्रामुळे प्रशासन पुन्हा अडचणीत

Edited By - Prashant Patil