वाघोली (पुणे) : माजी खासदार व शिवसेना उपनेते शिवाजीराव आढळराव पाटील व जिल्हा परिषद सदस्य ज्ञानेश्वर कटके यांनी पीएमआरडीएचे आयुक्त विक्रम कुमार यांची भेट घेतली. यावेळी वाघोली व परिसरातील विविध विकास कामांबाबत चर्चा झाली. वाघोली - आव्हळवाडी येथील रखडलेल्या नवीन वाढीव पाणी पुरवठा योजने बाबत असलेल्या अडचणी सोडवून त्या योजनेचे काम आठवडे भरात सुरू करून मार्च 2021पूर्ण करणे.

तीस दिवसांच्या बाळाची झुंज यशस्वी; ससूनमध्ये उपचार

वाघोली कचरा प्रकल्प निविदा प्रक्रिया पूर्ण झाली आहे. सुमारे चार कोटी रुपये यासाठी खर्च असून लवकरच ते काम लवकर सुरू करणे. वाहतूक समस्या सोडविण्यासाठी डी. पी. रस्त्याबाबत बोर्ड मीटिंगच्या मंजुरीनंतर ही कामे सूरु करणे. वाघोलीमध्ये सुरू असलेल्या ड्रेनेज वाहिनीचे काम व ग्रामपंचायतने सुचवfलेल्या अमेनिटी स्पेस एस टी पी प्रकल्पासाठी देणे. असे निर्णय चर्चेत झाले. नुकतेच काही ग्रामपंचायत सदस्य व नागरिकांनी पीएमआरडीए कार्यालयाबाहेर वाघोली वाढीव पाणी पुरवठा योजनेचे काम सूरु करावे यासाठी आंदोलन केले होते.

निरोगी आयुष्यासाठी योगा आवश्यक; जीवनशैलीवर सकारात्मक परिणाम

यानंतर आज आढळराव पाटील व कटके यांनी भेट घेतली. या प्रसंगी जिल्हा परिषदेचे उपमुख्य कार्यकारी अधिकारी संदीप कोहिणकर, पीएमआरडीए.पाणी पुरवठा मुख्य अभियंता पालवे, ग्रामपंचायत सदस्य रामकृष्ण सातव, माजी.ग्रापंचायत सदस्य मच्छिंद्र सातव, अनिल सातव, सागर भाऊ, सुधीर दळवी, गणेश गोगावले उपस्थित होते.