शिक्रापूर (पुणे) : शिवजन्मभूमीची माती रामजन्मभूमीला लाभली आणि राममंदिर कार्याला गती आली. हिंदूहृदयसम्राट बाळासाहेब ठाकरे यांची आज प्रकर्षाने आठवण होत आहे. रामजन्म मंदिर त्यांचे स्वप्न होते. ते सत्यात येत आहे. मात्र, ते हयात नसल्याचे तीव्र दु:ख होत आहे. राममंदिर उभारणी शुभारंभाला जाण्यासाठी पक्षप्रमुख उद्धव ठाकरे यांच्या आदेशाची वाट पाहत आहे, अशा भावना माजी खासदार शिवाजीराव आढळराव पाटील यांनी व्यक्त केल्या.
राममंदिर उभारणीचा मुहुर्त ठरला असून, शिवसेना पक्षप्रमुख तथा मुख्यमंत्री उद्धव ठाकरे हे ५ ऑगष्ट रोजी अयोध्येला जाणार की नाही, याची चर्चा देशभर सुरू झाली. याच पार्श्वभूमिवर आयोध्येला शिवजन्मभूमीची पवित्र माती उद्धव ठाकरे यांच्यासोबत घेऊन जाणारे शिवसेना उपनेते तथा माजी खासदार शिवाजीराव आढळराव यांनी आपली भूमिका स्पष्ट केली. त्यांनी सांगितले की, शिवजन्मभूमीच्या मातीनंतरच राममंदिर उभारणीला गती. त्यामुळे आता आम्ही आयोध्येला जाण्यासाठी केवळ पक्षप्रमुख उध्दव ठाकरे यांच्या आदेशाची वाट पाहतोय.
बाबरी मशिद पाडण्यापासून ते राममंदिर उभारणीसाठी पुढाकार यात शिवसेनेचे योगदान सर्वश्रुत आहे. मात्र, महाविकासआघाडी सरकार स्थापनेनंतर झालेला शिवसेना- भाजप दुरावा राममंदिर उभारणीच्या विषयाबाबतही मोठ्या चर्चेचा विषय आहे. पर्यायाने राममंदिर उभारणीच्या भूमिपूजनाच्या ५ ऑगस्टच्या कार्यक्रमाला शिवसेना पक्षप्रमुख उद्धव ठाकरे जाणार की नाही, याबाबत देशभर उत्सुकतेचा विषय आहे. ते मुख्यमंत्री झाल्यानंतर त्यांनी शिवजन्मभूमीतून पवित्र माती घेऊन आयोध्येला जाण्याचा प्रसंग तमाम शिवसैनिकांसाठी संवेदनशील झाला. आढळराव पाटील हे शिवनेरीपासून अयोध्येपर्यंत ठाकरे यांचेसमवेत उभे राहिले होते.
या पार्श्वभूमीवर आता पुणे जिल्ह्यातील शिवसैनिक व स्वत: आढळराव पाटील हे ५ ऑगस्टला नेमके काय करणार, याची उत्सूकता आहे. याबाबात त्यांनी सांगितले की, महाराष्ट्राची अस्मिता छत्रपती शिवाजी महाराजांच्या पावलांनी पावण झालेल्या शिवजन्मपुण्यभूमीतील मातीनेच राममंदिर उभारणीच्या कामाला गती मिळालेली आहे, हे सगळ्या जगाला ठाऊक आहे. पर्यायाने आता ५ तारखेच्या कार्यक्रमाला आम्हाला जायची तीव्र इच्छा आहेच. मात्र, हा संपूर्ण निर्णय पक्षप्रमुख उद्धव ठाकरे हे घेतील आणि ते आदेश देतील, त्या पध्दतीने अयोध्या दौऱ्याचे नियोजन आम्ही करणार आहोत. उद्धवसाहेबांचा आदेश येताच कुठलीच फिकीर न करता गुलालाची उधळण करत मी मतदारसंघातील कमाल संख्येने शिवसैनिक अयोध्येला घेऊन जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.