Ganesh Visarjan Pune: पुण्याच्या मानाच्या पहिल्या गणपती मंडपात पोहचण्यासाठी पुण्याचे पालकमंत्री चंद्रकांत पाटील आधी मेट्रोने प्रवास केला नंतर दुचाकीने ते विसर्जन मिरवणुकीत पोहचले.

आज सकाळपासून आपल्या लाडक्या बापाला निरोप देण्यासाठी पुणेकरांनी गर्दी केली आहे. त्यामुळे मोठ्या प्रमाणात ट्राफिक जाम झाले आहे. त्यामुळे चंद्रकांत पाटील यांनी मेट्रोचा पर्याय निवडला. काल पाटील यांनी गर्दी टाळण्यासाठी पुणेकरांना मेट्रोने प्रवास करण्याचे आवाहन केले होते. (pune latest news)

चंद्रकांत पाटील यांनी लाडक्या गणरायाला निरोप देण्यासाठी आज वनाझ ते पुणे महापालिका असा मेट्रोने प्रवास केला. त्यानंतर पुणे मेट्रो ते बाबूगेनू चौक येथे दुचाकीने प्रवास केला. यावेळी त्यांनी बाबूगेनू चौकात बाप्पाच्या स्वागतासाठी काढलेल्या रांगोळीचे उद्घाटनही केले.

चंद्रकात पाटील यांचे आवाहन -

श्री गजाननाला निरोप द्यायला पुणे आणि परिसरातील लक्षावधी भाविकांची गर्दी होत असते. तसेच पावसामुळे वाहतूक कोंडीची शक्यता देखील असते. प्रशासनाने याबाबतची खबरदारी घेतली आहेच, पण संभाव्य गर्दी, वाहतूक कोंडी आणि त्यामुळे होणारा त्रास टाळण्यासाठी माझी सर्व पुणेकरांना नम्रतापूर्वक विनंती आहे की, मी स्वतः मेट्रोने प्रवास करणार आहे. आपणही  मेट्रोने प्रवास करुया आणि गैरसोय टाळुया, असे चंद्रकांत पाटील म्हणाले.