कात्रज : आंबेगाव बुद्रुक येथील सर्वे नंबर 51मधील आरक्षित जागेवर कचरा प्रक्रिया प्रकल्प उभारण्यात आला आहे. हा प्रकल्प नागरी वस्तीत उभारला असून बाजूनेच ओढा जात आहे. जांभुळवाडी तलावापासून वाहणारा ओढ्यालगत हा प्रकल्प उभारला आहे. या प्रकल्पातील कचरा ओढ्यात पडला जात आहे. त्यामुळे आधीच अरुंद असलेल्या हा ओढा आणखी अरुंद होऊन कचरा प्रकल्पातील कचरा ओढ्यात येत आहे. त्यामुळे परिसरात दुर्गंधी पसरली असून नागरिकांचे आरोग्य धोक्यात आले आहे.

- ताज्या बातम्यांसाठी डाऊनलोड करा ई-सकाळचे ऍप

परिसरातील जांभूळवाडी तलाव पूर्ण क्षमतेने भरल्यानंतर तलावापासून वाहणारा ओढा आंबेगाव खुर्द, आंबेगाव बुद्रुक, नऱ्हे वडगाव मार्गे नदीला मिळतो. सदर ओढा तलावातील पाण्यामुळे व मुसळधार पावसामुळे वाहत आहे. सदर ओढ्याची गेली कित्येक वर्ष स्वच्छता केली नाही तसेच सदर ओढ्यावर कुठेही संरक्षण कठडे बांधलेले नसल्यामुळे ओढ्याच्या पात्रातील पाणी बाहेर पडत असून परिसरातील अनेक सोसायट्यामध्ये शिरल्याचा अनुभवही नागरिक सांगतात.

आंबेगाव बुद्रुक, आंबेगाव खुर्द या परिसराचा गेली तीन वर्षापूर्वी महानगरपालिकेत समावेश झाला आहे. महापालिका समावेशनांत्तर कोणताही ठोस विकास निधी या भागासाठी मिळाला नसल्यानेही भागातील नागरिकांत तीव्र नाराजी आहे. त्याचबरोबर या कचरा प्रकल्पामुळे भागात मोठ्या प्रमाणात सुरू असणारे ग्रहप्रकल्प अडचणीत येण्याची शक्यता आहे.

"मी इथला भाई आहे' अशी धमकी देत मागितली खंडणी  

मागील वर्षी सप्टेंबर महिन्यात या ओढ्याने रुद्रावतार धारण केल्याने आंबेगाव खुर्द, आंबेगाव बुद्रुक, नऱ्हे या भागात पुर आला होता. अनेक सोसायटी व घरामध्ये पाणी शिरले होते. तसेच काहींना जीव गमवावा लागला होता. अनेक वाहनेही वाहून गेली होती. परंतु, त्यानंतर प्रशासनाने कोणत्याही खबरदारीच्या उपाययोजना केलेल्या दिसून येत नाहीत. तर याउलट हा कचरा प्रकल्प माथी मारला आहे. -संदीप शिंदे, नागरिक

(संपादन : सागर डी. शेलार)