मंचर (पुणे) : उत्तर प्रदेशातील हाथरस येथे युवतीवर करण्यात आलेल्या अमानुष अत्याचार प्रकरणी उत्तर प्रदेश सरकार व कृषी विधेयक लागू केल्याबद्दल केंद्र सरकारचा निषेध मंचर प्रांत कार्यालयासमोर आंबेगाव तालुका कॉंग्रेस पक्षाच्या वतीने करण्यात आला.
यावेळी मुख्यमंत्री योगी आदित्यनाथ, पंतप्रधान नरेंद मोदी व केंद्र सरकारच्या विरोधात घोषणाबाजी करण्यात आली. आंबेगाव तालुका कॉंग्रेस पक्षाचे अध्यक्ष राजू इनामदार, पुणे जिल्हा कॉंग्रेस पक्षाचे सरचिटणीस अल्लू इनामदार व माजी सरपंच कैलास गांजाळे यांच्या नेतृत्वाखाली निदर्शने करण्यात आली.
अॅड. शुभांगी पोटे, उमेश पांचाळ, महिला अध्यक्ष अर्चना चिखले, ऍड. ताबिश इनामदार आदी आंदोलनात सहभागी झाले होते. राजू इनामदार व अॅड. पोटे यांचे भाषण झाले. कोविड आढावा बैठक सुरू असताना राज्याचे कामगार मंत्री दिलीप वळसे पाटील, प्रांत सारंग कोडलकर व तहसीलदार रमा जोशी यांना मागण्यांचे निवेदन देण्यात आले.
कॉंग्रेस पक्षाचे माजी अध्यक्ष राहुल गांधी व प्रियांका गांधी यांच्याबरोबर असभ्य वर्तन करणारे पोलिस अधिकारी व त्यांना पाठीशी घालणारे जिल्हाधिकारी यांना निलंबित करून त्यांच्या विरोधात गुन्हे दाखल करावेत.
राजू इनामदार, अध्यक्ष, कॉंग्रेस पक्ष आंबेगाव तालुका.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.