पुणे : लॉकडाउनमुळे राज्याच्या वेगवेगळ्या भागात हजारो बांधकाम कामगार आणि मजूर अडकून पडले आहेत. कामगार-मजुरांसाठी या क्षणी सर्वात महत्वाचे आहे ते मानसिक समुपदेशन. पुण्यामध्ये तीन हजार कामगार-मजुरांचे मानसिक समुपदेशन सुरू झाले आहे. तीन हजार कामगार-मजुरांचे मानसिक समुपदेशन करण्यात येत आहे. कामगार-मजुरांसाठी आठ कलमी समुपदेशनाचा हा कार्यक्रम आहे. 

ताज्या बातम्यांसाठी डाऊनलोड करा ई-सकाळचे ऍप

कामगार-मजुरांसाठी काय आहे सल्ला?
1. सर्वप्रथम स्वतःचे संरक्षण करा
2. सार्वजनिक ठिकाणी जाणे टाळा
3. सुरक्षित सामाजिक –शारीरिक अंतर ठेवा
4. तोंडावर मास्क बांधा 
5. साबणाने सतत हात धुवा
6. सॅनिटायझरचा वापर वापर करा
7. योग्य आहार घ्या; व्यायाम करा
8. सकारात्मक दृष्टीकोन बाळगा

येथील कर्वे समाज सेवा संस्थेच्या सेंटर फॉर मेंटल हेल्थ अँड डिसअॅबीलीटीज आणि पुणे जिल्हा रुग्णालयाच्या वतीने पुणे व पिंपरी चिंचवड परिसरात हा उपक्रम सुरू झाला आहे. क्रेडाईच्या विविध लेबर रिलीफ कॅम्पमध्ये लॉकडाउनमुळे अडकून पडलेल्या कामगार व मजुरांना संस्था मानसिक आधार देत आहे. ही माहिती कर्वे समाज सेवा संस्थेच्या विश्वस्त मंडळाचे अध्यक्ष मधुकर पाठक व प्रभारी संचालक डॉ महेश ठाकूर यांनी दिली.

कोरोनाशी संबंधित पुण्याच्या बातम्या वाचण्यासाठी येथे ► क्लिक करा

कामगार-मजुरांना कोविड19 बद्दल शास्त्रशुद्ध माहिती पुरविणे, मानसिक आरोग्याची तपासणी करून त्यांना मानसिक समुपदेशन करण्याचा आदेश सर्वोच्च न्यायालयाने दिला आहे. राज्याच्या आरोग्य विभागाच्या आरोग्य संचालनालयाने राज्यातील जिल्हा रुग्णालये, मेडिकल कॉलेज व समाजकार्य महाविद्यालयाच्या मदतीने मजुरांचे मानसिक समुपदेशन करण्याचा उपक्रम हाती घेतला आहे. त्याचाच एक भाग म्हणून पुण्यात हा उपक्रम सुरू झाला आहे. 

आता दारू संपते की काय, अन् मग झाली बाणेर-बालेवाडी परिसरात एकच गर्दी 

कर्वे समाज सेवा संस्थेच्या सेंटर फॉर मेंटल हेल्थ अँड डीसअॅबीलीटीजच्यावतीने समाजकार्य व समुपदेशन अभ्यासक्रमाचे 35 विद्यार्थी पुणे व पिंपरी चिंचवड परिसरातील क्रेडाईच्या विविध लेबर रिलीफ कॅम्पमध्ये जात आहेत. जिल्हा रुग्णालयाच्या मनोविकार तज्ञ डॉ मधुमिता बहाले व मानसोपचार तज्ञ मिलिंद कारंजकर यांच्या मदतीने मजुरांना कोविड19 बाबत शास्त्रशुद्ध माहिती पुरवित आहेत. त्यांच्या मानसिक आरोग्याची तपासणी करून त्यांना मानसिक समुपदेशन करीत मानसिक आधार देण्याचा प्रयत्न करीत आहेत, असे सेंटर फॉर मेंटल हेल्थ अँड डीसअॅबीलीटीजचे चेअरपर्सन प्रा. चेतन दिवाण यांनी सांगितले.

पुणे : सिंहगड रस्ता परिसरात मद्य विक्रीच्या दुकानांसमोर तळीरामांची गर्दी