पुणे - कोरोनाचा संसर्ग वाढतोय म्हणून तुम्हाला तुमच्या श्‍वानाची चिंता वाटतेय; पण काळजी करू नका. तुमच्या श्‍वानाची योग्य प्रकारे काळजी घेतली तर, त्याला काहीही होणार नाही. कारण श्‍वानाला कोरोना होत असल्याचे एकही उदाहरण देशात सापडलेले नाही. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

व्हेटर्नरी सर्जन त्रिभुवन कटरे म्हणाले, ‘‘कोरोनाच्या काळात आपल्या प्राण्यांची काळजी वाटणे स्वाभाविक आहे. श्‍वानांची तर विशेष काळजी वाटते. कारण ते आपल्याबरोबरच राहत असतात; पण कोरोनाचा संसर्ग अद्याप तरी श्‍वानाला झालेला नाही. अमेरिकेतील एका शहरात श्‍वानाच्या मालकाला कोरोना झाला. त्यात मालकाचा मृत्यू झाला; पण श्‍वानाला काहीही झाले नाही. तसेच चीनमध्येही एका व्यक्तीचा कोरोनामुळे मृत्यू झाला; पण त्याची मांजर त्यातून वाचली आहे.’’

इंधन दरवाढीचा वेग सुसाट; पेट्रोल स्थिर, डिझेलची मात्र दरवाढ मात्र सुरूच

कोरोनाच्या काळात श्‍वानाला बाहेर फिरवून आणल्यावर त्याच्या अंगावर सॅनिटायझर मारू नका. कारण त्याच्या त्वचेसाठी ते हानिकारक असते, असेही डॉ. कटरे यांनी सांगितले. बाहेरून आल्यावर त्याला डॉग शॅम्पूने धुतले तरी पुरेसे असते. पावसाळ्यात श्‍वानांना बाहेर फिरायला नेल्यावर ते रस्त्यावरचे पाणी पितात. त्या खराब पाण्यामुळे त्यांना गॅस्ट्रो होऊ शकतो. त्यामुळे पावसाळ्यात त्यांचे लसीकरण करणे गरजेचे असते, असेही त्यांनी सांगितले.

गटारीसाठी आणली 19 बकरे अन् चोरट्यांनी मारला डल्ला

अशी घ्या काळजी

• दिवसातून दोन वेळा फिरायला न्या
• किमान १५ ते ४५ मिनिटे त्याला एकसारखे चालवा
• पंधरा दिवसांतून एकदा अंघोळ घाला.
• सॅनिटायझर अंगावर मारू नका
• प्रतिकार शक्तीसाठी मांसाहार द्या  
• अन्यथा दर्जेदार डॉग फूड द्या

Edited By - Prashant Patil