पिंपळवंडी (जुन्नर) : जुन्नर तालुक्यातील उंब्रज नंबर १ येथे नाकाबंदीवर असलेल्या पोलिसांशी गावात सोडण्याच्या कारणावरून झालेल्या वादात शेतकरी पती व पत्नीने मंगळवारी (ता. ७) विषारी औषध घेऊन आत्महत्येचा प्रयत्न केला. यात पत्नी अनुजा रोहिदास शिंगोटे (वय ४०) हिचा दुर्देवी मृत्यू झाला आहे, तर पती रोहिदास (वय ४५) अत्यवस्थ आहेत. त्यांना पुणे येथे उपचारासाठी पाठविण्यात आले आहे. ही घटना मंगळवार (ता. ७) सांयकाळी घडली.

मुंबईकर जावयाने उडवली दौंडजकरांची झोप

याबाबतची माहिती अशी की, कोरोनाचे रुग्ण सापडल्यामुळे उंब्रज नंबर एक हे प्रतिबंधित क्षेत्र घोषित केले असून, गावात पोलिसांकडून नाकाबंदी करण्यात आली आहे. रोहिदास उर्फ बाबू  कुशाबा शिंगोटे हे पत्नी अनुजा यांच्यासह सकाळी भाजी विक्रीसाठी गाडी घेऊन गेले होते. संध्याकाळी परत येताना गावात जाण्यावरून त्यांता पोलिसांशी वाद झाला. या वेळी त्या ठिकाणी मोठ्या प्रमाणात ग्रामस्थ जमा झाले. त्यानंतर सरपंच, ग्रामपंचायत सदस्य व पोलिस पाटील आले. त्यांनी या दांपत्यास समजवण्याचा प्रयत्न केला. असे असतानाही त्यांनी जाण्यास नकार दिला. 

पुण्यातील दगडूशेठ गणपतीची काश्मिरमध्ये केली स्थापना

जोपर्यंत या पोलिसांवर कार्यवाही होत नाही, तोपर्यंत आम्ही येथून जाणार नाही, अशी भूमिका त्यांनी घेतली. त्यावेळी अचानक रोहिदास शिंगोटे यांनी खिशातील विषारी औषधाची बाटली काढून तोंडाला लावली. त्यामुळे त्यांच्या मुलाने त्यांचा हात झटकला व ती बाटली खाली जमिनीवर पडली. मात्र, तीच बाटली उचलून त्यामधील औषध त्यांच्या पत्नीनेही प्राशन केले. हा प्रकार काही क्षणातच घडली. त्यामुळे उपस्थित सर्वांना धक्का बसला. 

सोरतापवाडीत तलाठी लाचलुचपत प्रतिबंधक विभागाच्या जाळ्यात

या घटनेनंतर त्यांना उपचारासाठी त्वरित ओतूर येथे नेण्यात आले, मात्र तत्पूर्वीच अनुजा यांचा मृत्यू झाला,तर रोहिदास यांस   नारायणगाव येथील एका खासगी रूग्णालयात दाखल करण्यात आले. त्यानंतर पुणे येथे त्यांना हलवण्यात आले. जोपर्यंत संबंधित पोलिसांवर कार्यवाही होत नाही, तोपर्यंत मृतदेह ताब्यात घेणार नाही, अशी नातेवाईकांनी भुमिका घेतली होती. त्यानंतर चर्चेनंतर रात्री उशिरा त्यांनी मृतदेह ताब्यात घेतला.

कोरोनाच्या संकटात मुख्यमंत्र्यांचे काम समाधानकारक, शरद पवार यांनी थोपटली पाठ

या वेळी उपविभागीय अधिकारी जितेंद्र डुड्डी, उपविभागीय पोलीस अधिकारी दीपाली खन्ना, पोलिस निरीक्षक टी. वाय. मुजावर, पोलिस निरीक्षक परशुराम कांबळे यांनी ओतूर येथे येऊन घटनेची माहिती घेतली. तसेच, या घटनेची माहिती मिळताच पुणे पोलिस विभागाचे अतिरिक्त पोलिस अधीक्षक विवेक पाटील हे देखील उपस्थित होते.

पुण्याच्या इतर बातम्या वाचण्यासाठी येथे क्लिक करा

संबधित दांपत्याचा गावात जाण्यावरून पोलिसांसोबत वाद झाल्याची माहिती समजताच मी त्याठिकाणी हजर झाले व त्यांना समजाऊन सांगितले. परंतु, या पोलिसांवर जोपर्यंत कार्यवाही होत नाही, तोपर्यंत आम्ही येथुन जाणार नाही, अशी भुमिका त्यांनी घेतली.
 -सपना दांगट, 
सरपंच, उंब्रज (ता. जुन्नर)