पुणे : पुणे ते दिल्ली विमान प्रवास करताना आसनाखाली झुरळ निघाल्याने झालेल्या त्रासापोटी दोन प्रवाशांना मिळून 50 हजार रुपये नुकसान भरपाई देण्याचा आदेश ग्राहक मंचाने इंडिगोला दिला. तिकिटाचे आठ हजार 500 रुपये देखील नऊ टक्के व्याजदराने परत द्यावेत, असे मंचाचे अध्यक्ष उमेश जावळीकर, क्षितिजा कुलकर्णी, संगीता देशमुख यांनी दिलेल्या निकालात नमूद आहे.

अन् 172 वर्षांपुर्वी 'फुले दांपत्यांनी' सुरु केली होती मुलींची पहिली...
 

विमान प्रवासी स्कंद असीम बाजपेयी (रा. कोथरूड) आणि सुरभी राजीव भारद्वाज (रा. वनराई हाईट्‌स, कोथरूड) यांनी यासंदर्भात ग्राहक मंचात गेल्या वर्षी दावा इंटरग्लोब एव्हिअेशन लिमिटेड (इंडिगो) आणि भारतीय विमानतळ प्राधिकरण यांच्या विरोधात दावा दाखल केला होता.

Happy New Year 2020 : पुण्यात बाराच्या ठोक्‍यावर फटाक्‍यांची आतषबाजी करत नववर्षाचे स्वागत

बाजपेयी आणि भारद्वाज 31 डिसेंबर 2018 रोजी पुणे विमानतळावरून इंडिगोच्या विमानातून दिल्लीला गेले होते. प्रवासात आसनाखाली झुरळ निघाल्याने त्यांनी तातडीने तो भाग निर्जंतुकीकरण करण्याची विनंती केली. विमानातील कर्मचाऱ्यांना निर्जंतुकीकरण करणे शक्‍य न झाल्याने त्यांनी याबाबतची तक्रार मोबाईल संदेश तसेच ई-मेलद्वारे नोंदविण्यास सांगितले. त्यानंतर दिल्ली विमानतळावर विमान उतरल्यानंतर त्यांनी संबंधित कंपनीकडे तक्रार दिली. त्यावेळी विमान प्रवासात झुरळ निघणे ही गंभीर बाब नसून तक्रारदाराची तक्रार गंभीर नसल्याचे कंपनीकडून कळविण्यात आले. त्यानंतर बाजपेयी आणि भारद्वाज यांनी ग्राहक मंचात तक्रार दाखल केली.

Global Family Day 2020 : मुलगी भारतीय, मुलगा जपानी अन् खुललाय सुखी संसार...

माझ्या हाताला जखम झाली होती. झुरळापासून बचाव करताना मला वेदना झाल्या, असे बाजपेयी यांनी तक्रारीत म्हटले होते. तर मला संसर्गजन्य आजार असल्याने झुरळाचा त्रास झाला, असे भारद्वाज यांनी तक्रारीत म्हटले होते. याबाबत तक्रार करूनही योग्य ती दखल न घेतली नाही. त्यामुळे नुकसान भरपाई आणि तक्रार खर्चाची रक्कम देण्याची विनंती बाजपेयी आणि भारद्वाज यांनी केली होती.