पुणे : सावित्रीबाई फुले पुणे विद्यापीठाशी संलग्न महाविद्यालयातील सहयोगी प्राध्यापकांच्या पदोन्नतीसाठी मंगळवारपासून (ता. 22) मुलाखती सुरू होणार होत्या. पण या मुलाखती पुन्हा पुढे ढकलण्यात आल्या असून, त्यांच्या तारखा लवकर जाहीर केल्या जातील असे शैक्षणिक विभागाने जाहीर केले आहे.

- प्रसाद कोहिनकर बनला सैन्यदलात लेफ्टनंट; पुण्याच्या शिरपेचात आणखी एक मानाचा तुरा!​

'कॅस' मुलाखतीसाठी सुमारे 494 सहयोगी प्राध्यापकांनी पदोन्नतीसाठी "सेवा अंतर्गत प्रगती योजनेतून' (करिअर ऍडव्हान्समेंट स्कीम-कॅस) पदोन्नतीसाठी अर्ज केले आहेत. यापूर्वी कोरोना आणि परीक्षेच्या कारणामुळे मार्च व सप्टेंबर महिन्यात या मुलाखती पुढे ढकलण्यात आल्या होत्या. त्यानंतर आता 22 ते 28 डिसेंबर या कालावधीत मुलाखती होणार होत्या. पण सोमवारी अचानक मुलाखती स्थगित केल्याचे परिपत्रक शैक्षणिक विभागाने काढले आहे.
दरम्यान, "कॅस' मुलाखतींसाठी अर्ज करण्यासाठी अनेक प्राध्यापक चौकशी करत आहेत, त्यांचे अर्ज घेण्यासाठी या मुलाखती ऐनवेळी रद्द करण्यात आल्या आहेत, असे सूत्रांनी सांगितले.

- विद्यार्थी आणि पालकांनो, अॅडमिशनवेळी जास्त पैसे घेतलेत? मग अशी करा तक्रार​

अनुदानित व विनाअनुदानित महाविद्यालयांमधील प्राध्यापकांना ठराविक कालावधीनंतर पदोन्नतीसाठी "कॅस' मुलाखतींना सामोरे जावे लागते. त्यासाठी ओरिएंटेशन कोर्स, फॅकल्टी डेव्हलपमेंट प्रोग्रॅम, रिफ्रेशर कोर्ससह राष्ट्रीय व आंतरराष्ट्रीय परिषदेत शोधनिबंधही सादर झालेले असणे आवश्‍यक आहे. ही सर्व माहिती "कॅस'च्या मुलाखतींसाठी महत्त्वाची ठरते.

- महत्त्वाची बातमी : पुणेकरांनो, घाबरून जाऊ नका; संचारबंदीबाबत पोलिस प्रशासनाचे आवाहन​

यापूर्वी पुणे विद्यापीठाने संलग्न महाविद्यालयातील सहयोगी प्राध्यापकांसाठी मार्च 2020 मध्ये मुलाखतींचे घेण्याचे ठरवले होते. पण कोरोनाची साथ सुरू झाल्याने मुलाखती स्थगित केल्या. त्यानंतर सप्टेंबरमध्ये मुलाखती होणार होत्या, पण अंतिम वर्षाच्या परीक्षांचे काम आणि लॉकडाऊनमुळे प्रवासावरील बंधने यामुळे प्राध्यापकांनी विरोध केल्याने त्या पुन्हा एकदा स्थगित केल्या. आता २२ ते २९ डिसेंबर मध्ये या मुलाखती होणार होत्या त्यास पुन्हा स्थगिती देण्यात आली आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)