धनकवडी : कोविड केअर सेंटर आणि स्वॅब क्लेक्शन सेंटरमधील गोंधळाच्या पार्श्वभूमीवर महापालिका अतिरिक्त आयुक्त डॉ. कुणाल खेमनार यांनी  धनकवडी - सहकारनगर क्षेत्रिय कार्यालयातर्फे सुरू केलेल्या लोकनेते ना. शरदचंद्रजी पवार बहुद्देशीय भवन येथील कोविड संसर्ग चाचणी केंद्र येथे गुरुवारी भेट देऊन कामकाजाचे व्यवस्थापन जाणून घेऊन परिस्थितीचा आढावा घेतला. 

पुण्यातील जम्बो व्हेंटिलेटरवर; ‘लाइफलाइन’ ला ‘पीएमआरडीए’ची नोटीस

धनकवडीतील स्वॅब क्लेक्शन सेंटरमध्ये रुग्णांचे रिपोर्ट तीन चार दिवस उशिरा मिळत होते. त्या संदर्भात सकाळने 31 ऑगस्ट रोजी बातमी प्रसिद्ध होताच खेमनार यांनी येथे भेट देऊन रुग्णांचे रिपोर्ट वेळेवर देण्याची सूचना केली. एकदा स्वॅब घेतल्यानंतर रुग्णाला घरी सोडण्यात येते. त्या कालावधीत संसर्ग वाढत असल्याचे दिसून येत आहे. म्हणून गेल्या काही दिवसांमध्ये थोड्या प्रमाणात कमी झालेला कोरोनाचा संसर्ग उपनगरात पुन्हा वाढण्यास सुरुवात झाली आहे. 

पुण्यातील रुग्णांच्या नातेवाइकांनी घेतला धसका 

याबाबत डॉ. खेमनार म्हणाले, रुग्णांच्या सोयीसाठी धनकवडीतील स्वॅब क्लेक्शन सेंटरमध्ये आयसोलेशनची सोय करण्यात येणार असल्याची माहिती दिली. कोरोनाचे नवे रुग्ण शोधण्यासाठी शहरभर कोरोनाच्या चाचण्या वाढविण्यात आल्या. त्याकरिता स्वॅब कलेक्शन सेंटर खासगी रुग्णालय वाढविण्यात आले. क्षेत्रीय कार्यालयांतर्गत जागोजागी स्वॅब क्लेक्शन सेंटर उभारले गेले.

पुण्याच्या बातम्या वाचण्यासाठी येथे- क्लिक करा

पुणे महानगरपालिकेचे स्थायी समितीचे माजी अध्यक्ष आणि राष्ट्रवादी काँग्रेस पक्षाचे नगरसेवक विशाल तांबे यांच्या प्रयत्नातून धनकवडी येथील लोकनेते नामदार शरदचंद्रजी पवार बहुउद्देशीय भवन येथे अद्ययावत कोरोना टेस्टिंग सेंटर सुरू करण्यात आले आहे. याठिकाणी खेमनार यांनी गुरुवारी अचानक भेट दिली. या सेंटरमध्ये आरटीपीसीआर टेस्ट आणि रॅपिड अँटिजेन टेस्ट आशा दोन प्रकारच्या टेस्ट केल्या जात आहेत. जूनमध्ये  सुरू झालेल्या या सेंटरमध्ये दररोज जवळपास चारशे नागरिकांच्या टेस्ट होत आहेत. यामुळे प्रभाग क्रमांक 35, 39, 40 आणि 42 मधील नागरिकांना कोरोना चाचणीची सुविधा उपलब्ध झाली आहे.

पुण्याच्या बातम्या वाचण्यासाठी येथे- क्लिक करा

यावेळी  सहायक आयुक्त निलेश देशमुख यांच्यासह महापालिकेचे डॉक्टर आणि कर्मचारी उपस्थित होते. या केंद्रात रोज अँटीजेन किटद्वारे 200 आणि घशातील नमुने घेऊन 200 अशा 400 चाचण्या करण्यात येतात. धनकवडी परिसरातील नागरिकांना याचा उपयोग होत असल्याची माहिती तांबे यांनी खेमनार यांना दिली.