पुणे : गेल्या काही दिवसांपासून राज्यात पुण्यातील कसबा पेठ विधानसभा पोटनिवडणुकीवर राजकीय वातावरण तापल्याचं दिसत आहे. सर्व पक्षांकडून या निवडणूकीची जोरदार तयारी करण्यात येत आहे. यादरम्यान काँग्रेसकडून कसबा पोटनिवडणुकीसाठी तब्बल 16 जण इच्छुक असल्याचे समोर आले आहे.

या पोटनिवडणूकीसाठी आज इच्छुक उमेदवारांच्या आज ऑनलाईन पद्धतीने झाल्या मुलाखती झाल्या. त्यानंतर काँग्रेसकडून १६ इच्छुक उमेदवारांची यादी जाहीर केली आहे. कसबा पोटनिवडणुकीसाठी काँग्रेसचे निरीक्षक संग्राम थोपटे यांनी श्रीनगर येथूल इच्छुकांच्या ऑनलाईन मुलाखती घेतल्या.

काँग्रेस १६ जणांची नावे प्रदेश कार्यालयाकडे पाठवणार असल्याची माहिती समोर आली आहे. त्यानंतर छाननी केल्यानंतर दिल्लीतून काँग्रेसचा उमेदवार घोषित होणार आहे. या पोटनिवडणुकीसाठी तब्बल १६ जणांनी निवडणूक लढवण्याची तयारी दाखवली आहे, अशी माहिती निवडणूक निरीक्षक संग्राम थोपटे यांनी दिली आहे.

त्यामुळे या १६ जाणांपैकी काँग्रेसचा कसब्यासाठी उमेदवार नेमका कोण असणार याबद्दल उत्सुकता आहे.