पुणे : लॉकडाऊनचा फटका लग्नसराईला देखील बसला असून अनेकांची ठरलेली लग्न लांबणीवर पडलेली आहे. मात्र फुरसुंगीमधील वकील जोडप्याने ठरलेली तारीख पुढे न ढकलता सोशल डिस्टन्स ठेवून लग्नाचा बार उडवला आहे.

ताज्या बातम्यांसाठी डाऊनलोड करा ई-सकाळचे ऍप
मोठ्या कार्यक्रमांतून संसर्ग होऊ नये म्हणून सध्या लग्न किंवा सामाजिक कार्यक्रम देखील बंद आहेत. त्यामुळे या जोडप्याने अगदी मोजक्या माणसांत सोशल डिस्टन्स ठेवून वैवाहिक जीवनाची सुरुवात केली आहे. गणेश हरपळे आणि श्यामल कामठे असे या नवविवाहित दाम्पत्याचे नाव आहे. दोघेही पेशाने वकील असून हरपळे हे शिवाजीनगर येथील जिल्हा न्यायालयात प्रॅक्टीस करतात तर त्यांची पत्नी श्यामल न्यायाधीश होण्यासाठी आवश्यक असलेल्या परीक्षांची तयारी करत आहेत.

पुण्याच्या बातम्या वाचण्यासाठी येथे ► क्लिक करा
देशात कोरोना विषाणू पसरण्यापूर्वीच त्यांची लग्नाची तारीख निश्चित झाली होती. त्यामुळे लग्नाची बरीचशी तयारी देखील पूर्ण केली होती. त्यामुळे तारीख न टाळता त्यांनी लग्न करण्याचा निर्णय घेतला तसेच कोरोनाचा प्रादुर्भाव देखील होऊ दिला नाही.

विद्यार्थ्यांनो. बारावीच्या गणितात 'असा' करा सेल्फ स्टडी

याबाबत हरपळे म्हणाले यांनी सांगितले की, "'देशात सध्या भयानक परिस्थिती निर्माण झाली आहे. कोरोनाचे हे संकट किती दिवसांनी टळेल याची कल्पना नाही. त्यामुळे आम्ही दोन्हीकडील प्रत्येक पाच माणसे आणि दोघांचे आई-वडील अशा मोजक्या माणसांत लग्न लावले. लग्नावेळी सोशल डिस्टन्स पाळण्यात आले होते. तसेच कोरोनाचा प्रादुर्भाव होऊ नये यासाठी आवश्यक असलेल्या सर्व खबरदार्‍या आम्ही घेतल्या होत्या. अगदी कमी माणसांत लग्न केल्याने आमचा वेळ आणि पैसा दोन्ही वाचले. कोरोनाची परिस्थिती नियंत्रणात आल्यानंतर आम्ही वाचवलेला वेळ आणि पैसा दोन्ही सामाजिक कामांसाठी खर्च करणार आहोत.''

कॉम्प्युटर इंजिनिअरिंग करायचयं? करियर आणि बिझनेसमध्ये 'या' आहेत संधी