भोर (पुणे) : शहरातील कोरोनाचा प्रसार रोखण्यासाठी बुधवारपासून (ता. २) भोर शहरात लॉकडाऊन सुरु करण्यात येणार असल्याची माहिती मुख्याधिकारी विजयकुमार थोरात यांनी दिली. तालुका व्यवस्थापनाकडून पुढील आदेश येईपर्यंत हे लॉकडाऊन राहणार असून फक्त मेडिकल, हॉस्पिटल आणि बँका वगळता सर्व व्यवहार बंद राहणार आहेत. त्यामुळे नागरिकांनी अत्यावश्यक व आरोग्य सुविधां व्यतिरीक्त घराबाहेर पडू नये असे आवाहन नगरपालिका प्रशासनाकडून करण्यात आले आहे.
बुधवारी (ता. २) सकाळपासून शहराच्या चारही सीमा बंद करण्यात येणार आहेत. बाहेरील नागरिकांना केवळ अत्यावश्यक सेवेसाठीच शहरात प्रवेश दिला जाणार आहे. मागील काही दिवसांमध्ये शहरात आणि तालुक्यात कोरोनाच्या रुग्णांमध्ये झपाट्याने वाढ सुरु झालेली आहे. त्यामुळे कोरोनाची साखळी तोडण्यासाठी प्रशासनाने हा निर्णय घेतला असल्याचे मुख्याधिकारी विजयकुमार थोरात यांनी सांगितले. नगरपालिकेमार्फत शहरात आॅटोरिक्षामधून दवंडीही देण्यात सुरुवात करण्यात आली आहे. सुमारे आठ ते दहा दिवस हे लॉकडाऊन राहणार असल्याची शक्यता वर्तवली जात आहे. त्यामुळे पुढील आठ-दहा दिवस शहरातील सर्व व्यवसाय बंद
राहणार आहेत.
आतापर्यंत तालुक्यात एकूण कोरोनाचे ६१८ रुग्ण तर शहरात १२२ कोरोना रुग्ण आढळले आहेत. तालुक्यातील ४२३ रुग्णांना उपचारानंतर घरी सोडण्यात आले असून १७४ कोरोनाग्रस्तांवर उपचार सुरु आहेत. तालुक्यातील २१ जणांचा कोरोनामुळे मृत्यू झाला आहे. १ हजार ५९३ जणांच्या स्वॅबची तपासणी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.