वाघोली(पुणे) : दुचाकी चोरणाऱ्या सात जणांना लोणीकंद पोलिसांच्या गुन्हे शोध पथकाने अटक केली. त्यांच्याकडून चोरीच्या आठ दुचाकी हस्तगत करण्यात आल्या आहेत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

अक्षय विजय सूर्यवंशी, अजय दीपक चव्हाण, गणेश हनुमंता मंगवडे (तिघेही रा. लोणीकंद), रशीद मेहबूब शेख (रा. मुखेड,नांदेड), निलेश लिंबराज आडमुठे (रा. अष्टापुर), सलमान बाबु शेख (रा. पेरणे फाटा), रियाझ मेहबूब शेख (रा. कोरेगाव भीमा) असे दुचाकी चोरीप्रकरणी अटक करण्यात आलेल्यांची नावे आहेत.

वाघोलीसह लोणीकंद पोलीस ठाण्याच्या हद्दीमध्ये वाहन चोरींच्या घटनांमध्ये मोठ्या प्रमाणात वाढ झाली. गुन्हे शोध पथकाने याकडे लक्ष केंद्रित करून दुचाकी चोरणाऱ्या टोळीचा तपास केला. वेगवेगळ्या गुन्ह्यातील सात जणांना अटक केली. यामधील अक्षय सूर्यवंशी, गणेश मंगवडे, सलमान शेख यांच्यावर विविध पोलीस ठाण्यात चोरीचे गुन्हे दाखल आहेत. इतर पोलीस ठाण्याच्या हद्दीतील दुचाकी चोरीचे गुन्हेही उघडकीस आले आहेत.

राजसाहेबांच्या भेटीने मनसैनिकांना दहा हत्तींचे बळ

सदरची कामगिरी पोलीस निरीक्षक प्रताप मानकर यांच्या मार्गदर्शनाखाली गुन्हे शोध पथकाचे पोलीस उपनिरीक्षक हणमंत पडळकर, बाळासाहेब सकाटे, नवजीवन जाधव, श्रीमंत होनमाने, अमोल दांडगे, दत्ता काळे, समीर पिलाणे, ऋषिकेश व्यवहारे, संतोष मारकड, सूरज वळेकर, बाळा तनपुरे, नितीन मोरे, मारुती दुबळे यांनी केली.