पुणे : पुढच्या काही दिवसांमध्ये राज्यात थंडीचा कडाका वाढणार आहे. विशेषतः पुणे, मुंबई आसपासच्या परिसरात तापमानात मोठी घट होण्याचा अंदाज हवामान विभागाने वर्तवला आहे. 

- विद्यार्थी-पालकांसाठी महत्त्वाची बातमी; परीक्षा फी वाढीला पुणे विद्यापीठाने लावला ब्रेक​

सध्या उत्तरेकडील राज्यांमध्ये गारठा वाढल्याने याचा राज्यातील हवामानावर परिणाम होणार आहे. थंडीसाठी वातावरण पोषक असल्याने अजून दोन दिवस पुण्यामध्ये गारठा कायम राहणार आहे. विदर्भाच्या काही भागांत आणि मध्य महाराष्ट्र, मराठवाड्यात तुरळक ठिकाणी थंडीची लाट येण्याची शक्यता हवामान खात्याने वर्तविली आहे.

- पुण्याच्या बातम्या वाचण्यासाठी येथे ► क्लिक करा

या आठवड्याच्या सुरुवातील राज्यातील बहुतांश भागात ढगाळ वातावरण आणि काही ठिकाणी पावसाने हजेरी लावल्याचे पाहायला मिळाले. यानंतर आता बहुतेक ठिकाणी आकाश निरभ्र असून थंडीचा पारा वाढण्यास सुरुवात झाली आहे. रविवारी म्हणजेच २० डिसेंबरला पुण्यात किमान तापमान १३.३ अंश सेल्सियस तर कमाल तापमान २९ अं. से राहाणार असल्याचा अंदाज  हवामान विभागाने वर्तवला आहे.

- रोगानं नाही डॉक्टरनंच केला घात; कॅन्सरच्या नावाखाली उकळले दीड कोटी!​

थंडी का वाढली?- उत्तर भारतात काही ठिकाणी थंडीची लाट पसरली आहे. दिल्ली, उत्तर प्रदेश, मध्यप्रदेश, राजस्थान , हरियाणा या राज्यांमध्ये तापमानाचा पारा खाली आला आहे. यातच महाराष्ट्रात सध्या हवामान कोरडे असून, पुढील एक आठवडा ते कोरडेच राहाणार असल्याचे हवामान शास्त्र विभागाच्या संकेत स्थळावरुन स्पष्ट होते. याचाच परिणाम राज्यातील अनेक भागात झाला असून, थंडीत वाढ होण्यास सुरुवात झाली आहे.  

(संपादन : सागर डी. शेलार)