matrimonial website file photo
पुणे

मंचर : मॅट्रिमोनिअल वेबसाईटचा गैरफायदा, लग्नाचं आमिष दाखवून तरुणीची फसवणूक

तरुणाने पीडितेकडून १७५०० रुपये उकळले

डी. के. वळसे-पाटील

मंचर : माझ्याकडे चारचाकी गाडी, एक बंगला, सात एकर जमीन आहे... तुला आयुष्यात काहीही कमी पडणार नाही.... तुझ्यासाठी अंगठी बनवायची आहे.... सोनाराकडे माप देण्यासाठी तुझ्या हातातील अंगठी दे....! असं सांगून १५ हजार रुपये किंमतीची अंगठी आणि अडीच हजार रुपयांची रोख रक्कम घेऊन एका तरुणाने पोबारा केल्याचा खळबळजनक प्रकार समोर आला आहे. याप्रकरणी मंचर पोलिसांनी विजय शांताराम साबळे (रा.नाणे, ता.मावळ) याच्याविरोधात गुन्हा दाखल केला आहे. कुदळवाडी (ता.आंबेगाव) येथे ही घटना घडली. (Manchar Disadvantages of matrimonial website cheating on a young woman by showing the lure of marriage)

याबाबत पोलिसांकडे ३२ वर्षीय पीडित तरुणीने फिर्याद दाखल केली आहे. मावळ तालुक्यातील एका संस्थेच्या माध्यमातून मंचर (ता.आंबेगाव) येथील शाखा कार्यालयात प्रभाग व्यवस्थापक म्हणून पीडित तरुणी काम करत आहे. विवाहासाठी स्थळं पाहण्यासाठी तीने आपला बायोडाटा एका मॅट्रिमोनियल वेबसाईटवर टाकला होता. ११ एप्रिल रोजी तिला यावर प्रतिसाद मिळाला त्यात विजय साबळे याने मोबाईलद्वारे संपर्क करुन पीडित मुलीला स्वतःचा बायोडाटा पाठविला आणि “मला तुमच्याशी लग्न करण्याची इच्छा आहे” असं मुलीला सांगितलं.

या प्रथम संवादानंतर २१ एप्रिल रोजी कुदळेवाडी येथे पीडित तरुणी आणि विजय एकमेकांना भेटले. “मी रेल्वेमध्ये नोकरीला आहे. माझ्या घरी खूप प्रॉपर्टी आहे, असं खोटं सांगून विजयनं तरुणीला विश्वासात घेतलं. त्यानंतर काही कारणास्तव वाद झाल्यानंतर विजयने तरुणीला तुझी अंगठी व पैसे परत घेऊन जा. मला तुझ्याशी लग्न करायचं नाही, असं सांगून तिला सोमवारी (दि. ३) तळेगाव दाभाडे येथे अंगठी व पैसे घेण्यासाठी बोलावलं पण तरुणीला अंगठी व पैसे दिले नाहीत. तर “मी राजकीय कार्यकर्ता असून कोणालाही घाबरत नाही” अशी धमकी देऊन निघून गेला.

लग्नासंदर्भातील विजय साबळेने दिलेला बायोडाटा खोटा आहे, असं फिर्यादीत पीडित तरुणींने नमूद केलं आहे. याप्रकरणी पोलीस निरिक्षक सुधाकर कोरे यांच्या मार्गदर्शनाखाली पोलीस उपनिरिक्षक अपर्णा जाधव पुढील तपास करत आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Video: ''उत्तर प्रदेशमध्ये आम्हाला मुस्लिम मुख्यमंत्री पाहिजे'', मौलाना साजिद रशिदी यांचा विरोधी पक्षांवर जोरदार हल्ला

Pimpri Dairy Farm Flyover : डेअरी फार्म उड्डाणपुलाचा फायदा की नवा धोका? राँग साइड वाहनांमुळे सुरक्षेचा प्रश्न ऐरणीवर

मंगळचा केतूच्या नक्षत्रात प्रवेश; पुढील ३२ दिवस 'या' ३ राशींना बसू शकतो फटका!

Kaygaon News : ऊस दराचा तिढा सोडवण्यासाठी जिल्हाधिकाऱ्यांनी बोलावली बैठक; जुने कायगाव येथील शेतकऱ्यांचे अन्नत्याग आंदोलन तूर्तास स्थगित

Pune sugarcane rate : ऊसदराचा तिढा सोडवण्यासाठी पुणे जिल्हाधिकारी पुढाकार घेणार का? सर्व कारखानदार, शेतकरी आणि संघटनेच्या प्रतिनिधींच्या बैठकीची मागणी

SCROLL FOR NEXT