राजगुरुनगर (पुणे) : या घरट्यातून पिल्लू उडावे, दिव्य घेऊनी शक्ती...अशी एका प्रसिद्ध कवितेची ओळ आहे. पण, खेड तालुक्यातील राजगुरुनगर येथील शासकीय कार्यालयांच्या आवारातील झाडे तोडल्याने शेकडो पक्षांवर 'बेघरटं' व्हायची वेळ आली आणि या घरट्यातून पिल्लू उडालेच नसल्याची हताश भावना पक्षीमित्रांच्या मनात दाटली. त्यानंतर वेगाने हालचाली करत त्यांच्या रेस्क्यू टीमने अनेक पिलांना वाचविण्यात यश मिळविले. प्रशासकीय कारभारावर मात्र त्यांनी संताप व्यक्त केला. 

बॅकलाॅगच्या विद्यार्थ्यांना मोठा दिलासा, पुढच्या वर्गात प्रवेश मिळाला पण...

राजगुरुगनर येथील शासकीय कार्यालयांच्या शेजारील सरकारी जागेत अनेक मोठे वृक्ष आहेत. शेजारीच वन परिक्षेत्र अधिकाऱ्यांचे कार्यालयही आहे. ऑकेशिया, गुलमोहर, महारुख, सुरु आदी जातींचे हे वृक्ष अनेक वर्षांपासून येथे आहेत. त्यांवर पाणकावळे, बगळे, चिमण्या, कावळे असे असंख्य पक्षी रात्री वास्तव्यास असत. परिसरात त्यांच्या विष्ठेची दुर्गंधी येते म्हणून अनेक वृक्ष शुक्रवारी अचानक कापण्यात आले. त्यामुळे पक्षांची घरटी पडली आणि त्यांच्याबरोबर घरट्यातील पिल्लेही खाली पडली. 

लाॅकडाउनमध्ये रविवारपासून पुणेकरांना दिलासा

याबाबत काही प्राणी व पक्षीमित्रांना समजले. त्यानंतर तातडीने त्यांची 'राजगुरुनगर रेस्क्यू टीम' तातडीने तेथे पोहोचली. त्यांना अनेक पिल्ले जमिनीवर पडलेली दिसली. बरीच पिल्ले मेली होती. त्यांनी दिवसभर फांद्यांखाली व इतरत्र पडलेली पिल्ले गोळा केली. त्यांना जवळपास १०३ पिल्ले सापडली. ती बगळे आणि पानकावळे यांची होती.

पुण्याच्या इतर बातम्या वाचण्यासाठी येथे क्लिक करा

या पक्षीमित्रांनी पुण्यामधील 'वाईल्डलाईफ रेस्क्यू टीम'शी संपर्क साधला. एक तासातच पुण्यातील टीम त्यांची गाडी घेऊन डॉक्टरांसोबत खेडला पोहोचली. त्यांच्या डॉक्टरांनी सर्व पिल्लांचे लसीकरण केले व पुढील उपचारासाठी पुण्याला नेले.

अन् चक्क यमराज रस्त्यावर उतरला

अनेक पक्षांसाठी पावसाळा हा विणीचा हंगाम असतो. म्हणून पक्षी आधीच दोन महिन्यांपासून घरटी बांधतात. या दिवसांमध्ये त्या घरट्यांमध्ये अंडी घालतात. त्यांतून पिल्ले वाढतात. म्हणून झाडे तोडण्यासाठी ही अत्यंत चुकीची वेळ असते.
 - चेतन गावडे, 
पक्षीमित्र आणि सर्पमित्र, सदस्य, राजगुरुनगर रेस्क्यू टीम