पुणे : सर्वोच्च न्यायालयाने मराठा आरक्षणाबाबत दिलेली स्थगिती उठविण्यासाठी राज्य सरकारने अध्यादेशाचा पर्याय न स्वीकारता अंतरिम सुनावणीसाठी प्रयत्न करावेत. न्यायालयाचा स्थगिती आदेश येण्यापूर्वी ज्या विद्यार्थ्यांचे प्रवेश आणि नियुक्त्या झाल्या आहेत, त्या संरक्षित करण्यात याव्यात. तसेच, विद्यार्थ्यांचे नुकसान होणार नाही, याबाबत खबरदारी घ्यावी, अशा मागण्या पुणे जिल्हा मराठा क्रांती मोर्चाच्या वतीने करण्यात आल्या.
पुणे जिल्हा मराठा क्रांती मोर्चाचे समन्वयक राजेंद्र कोंढरे यांनी सोमवारी (ता.१४) पत्रकार परिषदेत ही माहिती दिली. राजेंद्र कुंजीर, तुषार काकडे, धनंजय जाधव, सचिन आडेकर, हनुमंत मोटे, रघुनाथ चित्रे-पाटील, अमर पवार, बाळासाहेब अमराळे, युवराज दिसले, श्रुतीका पाडळे, मीना जाधव या वेळी उपस्थित होते.
सर्वोच्च न्यायालयाचा मराठा आरक्षणाच्या स्थगितीचा निर्णय न्यायालयाच्या संकेतस्थळावर आलेला नसतानाही शिक्षण विभागाने मराठा प्रवेशावर लगेच स्थगिती दिली. यावरून सरकार दुजाभाव करीत असल्याचा आरोप या वेळी करण्यात आला. राज्य सरकारने आरक्षणाबाबत गांभीर्याने पावले उचलावीत. अन्यथा तीव्र प्रतिक्रिया उमटतील, असा इशारा पुणे जिल्हा मराठा क्रांती मोर्चाच्या वतीने देण्यात आला.
मराठा क्रांती मोर्चाच्या प्रमुख मागण्या -
- राज्य सरकारने घटना तज्ज्ञांचा सल्ला घेऊन स्थगिती उठविण्यासाठी कायदेशीर बाबींचा अवलंब करावा. त्यासाठी मुख्य न्यायमूर्तीकडे अर्ज करून घटनापीठाची स्थापना करून स्थगिती उठविण्यासाठी प्रयत्न करावेत.
- न्यायालयाचा स्थगिती आदेश येण्यापूर्वी ज्या प्रवेश आणि नियुक्त्या जाहीर झालेल्या आहेत, त्या संरक्षित करण्यात याव्यात. स्थगितीमुळे विद्यार्थ्यांचे आर्थिक नुकसान होऊ देऊ नये.
- स्थगिती उठविण्याचा निर्णय येईपर्यंत एसईबीसी प्रवर्गातील विद्यार्थ्यांना आरक्षण सोडून इतर सवलती सुरू ठेवाव्यात.
- अण्णासाहेब पाटील आर्थिक विकास महामंडळाच्या माध्यमातून बॅंकांनी कर्जाच्या व्याज परतावा योजनेसाठी सरकारने तरतूद करावी.
- मराठा क्रांती मोर्चाच्या आंदोलनात दाखल 43 गुन्हे त्वरित मागे घ्यावेत.
- पुण्याच्या बातम्या वाचण्यासाठी येथे ► क्लिक करा
(Edited By : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.