मराठा आरक्षण मागणीसाठी मनोज जरांगे पाटील उपोषण करत आहेत, राज्यभरातून जरांगे पाटील यांच्या उपोषणाला पाठिंबा मिळत आहे. पुण्यात कोंढव्यामध्ये मुस्लिम समाजाच्यावतीने जरांगे पाटील यांच्या उपोषणाला जाहीर पाठींबा दिला जात आहे व एक दिवसाचं लाक्षणिक उपोषण केलं जातं आहे. कोंढवा मध्ये ज्योती चौकात लाक्षणिक उपोषण केलं जातं आहे.

मनोज जरांगे यांना पाठिंबा देण्यासाठी राज्यभरात आंदोलन सुरू आहे, तर कोंढव्यामध्ये मुस्लिम समाजाच्यावतीने जरांगे यांनी पाठिंबा देण्यासाठी एक दिवसाचं लाक्षणिक उपोषण केलं जातं आहे.

तर काही भागामंध्ये मराठा आरक्षणासाठी मराठा बांधव आक्रमक झाले आहेत. काही ठिकाणी बस पेटवण्यात आल्या आहेत तर काही ठिकाणी बस फोडण्यात आल्या आहेत. कालपासून बीडमध्ये संचारबंदी लागू करण्यात आली आहे. तर धाराशिवमध्ये देखील संचारबंदी लागू करण्यात आली आहे.

दोन खासदार, तीन आमदारांनी मराठा आरक्षणासाठी दिले राजीनामे

मराठा आरक्षणाला पाठिंबा देत आणि मराठा आरक्षणाच्या मागणीसाठी राज्यातील 3 आमदार आणि दोन खासदारांनी राजीनामा दिला आहे. यामध्ये शिंदे गटाचे 2 खासदार, 1 आमदार, काँग्रेसचा एक आमदार आणि भाजपच्या एक आमदाराचा समावेश आहे.