वाघोली (पुणे) : निसर्ग चक्रीवादळाचा फटका वाघोली व परिसराला बसला. काही जाहिरातीच्या कमानी रस्त्यावर पडल्या तर बाजार मैदानातील दैनंदिन बाजाराचे तात्पुरते शेड भुई सपाट झाले. परिसरातील शेतीचेही नुकसान झाले. वाघोली केसनंद मार्गावरील जाहिरातीची कमान रस्त्यातच आडवी झाल्याने रस्ता काही काळ बंद झाला होता. पोलिसांनी ही कमान हटवून रस्ता सुरळीत केला.
काहींच्या घराचे पत्रेही उचकटले. बहुतांश ठिकाणी फ्लेक्सचे कापड फाटून ते लटकत होते. ते अनेक ठिकाणी विजवाहक तारांवर पडल्याने तारा तुटल्या. दर पावसाळ्यात होंर्डिंगचा सांगाडा कोसळण्याच्या घटना घडतात. मात्र बुधवारी हे सांगाडे सुदैवाने कोसळे नाहीत.. केवळ त्यावरील फ्लेक्सचे कापड फाटले. लॉकडाउन पूर्वी दैनंदिन बाजार भरत होता. त्यासाठी तात्पुरते शेड शेतकऱ्यांनी उभारले होते. हे सर्व शेड बुधवारी भुई सपाट झाले.
सध्या या ठिकाणी बाजार भरत नसल्याने कोणतीही जीवित हानी झाली नाही. सखोल भागात अनेक ठिकाणी पाणी साचले होते. झोपडपट्टी धारकांचे काही प्रमाणात हाल झाले. पत्रे उडून जाण्याची भीती होती. मात्र अशी किरकोळ घटना घडली. बांधकाम साईटवर पत्र्याच्या शेड मधेच मजूर राहतात.
पुण्याच्या बातम्या वाचण्यासाठी येथे ► क्लिक करा
मात्र हे मजूर निघून गेल्याने ती हानी टळली. मांजरी, वाडेबोल्हाई, कोलवडी, बकोरी, अष्टापूर, आदी परिसरात मोठ्या प्रमाणावर शेती केली जाते. तेथेही पिकांचे मोठ्या प्रमाणावर नुकसान झाले. पिकांचे पंचनामे करावे अशी मागणी शेतकरी करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.