मंचर (पुणे) : राष्ट्र घडविण्यात हयात घालविणाऱ्या व महाराष्ट्राचं भूषण असणाऱ्या आदरणीय शरदचंद्रजी पवारसाहेबांवर टिका करणं म्हणजे सूर्यावर थुंकण्याचा प्रकार असून, टीका करणाऱ्यांचे नेतेही वेळेप्रसंगी पवारसाहेबांचा सल्ला घेतात, अशी टीका कामगारमंत्री दिलीप वळसे पाटील यांनी केली. 

पडळकर यांच्याविरूद्ध बारामतीत गुन्हा दाखल

भारतीय जनता पक्षाचे आमदार गोपीचंद पडळकर यांनी शरद पवार यांच्याबद्दल अपशब्द वापरल्याचा निषेध वळसे पाटील यांनी ट्विटरद्वारे केला. ते म्हणाले की, राज्यासमोर सध्या अनेक प्रश्न आहेत, अशा वेळी कर्तृत्वशून्य खुज्या प्रवृत्तींनी सुधारून वागावे. गरज भासल्यास मानसोपचार तज्ज्ञांचा सल्ला घ्यावा. सामाजिक स्वास्थ्य बिघडवू नये. या अपप्रवृत्तींचा जाहीर निषेध आहे.

मंगल कार्यालयात पुन्हा घुमणार सनईचे सूर

दरम्यान, वळसे पाटील यांचा मतदारसंघ असलेल्या आंबेगाव तालुक्यातील मंचर येथील छत्रपती शिवाजी महाराज चौकात पुणे जिल्हा सहकारी दूध उत्पादक संघाचे अध्यक्ष विष्णू हिंगे, भीमाशंकर सहकारी साखर कारखान्याचे अध्यक्ष बाळासाहेब बेंडे, पुणे जिल्हा परिषदेचे माजी उपाध्यक्ष विवेक वळसे पाटील, पंचायत समितीचे सभापती संजय गवारी यांच्या नेतृत्वाखाली पडळकर यांच्या पुतळ्याला जोडो मारो आंदोलन करण्यात आले.

मुळशीतील तिघे कोरोनामुक्त, मात्र आणखी...

या वेळी उद्याजोक किसनराव उंडे, आंबेगाव तालुका खरेदी विक्री संघाचे अध्यक्ष भगवानराव वाघ, बाबासाहेब खालकर, रमेश खिलारी, अरुणा थोरात, सुषमा शिंदे, अंकित जाधव, माणिक गावडे उपस्थितीत होते. निकम व हिंगे यांनी पडळकर यांच्यावर टीका केली.