जुन्नर (पुणे) : जुन्नर तालुक्यातील धोलवड येथील कोरोना पॉझिटिव्ह माय-लेकीने कोरोनावर मात केली आहे. त्यामुळे तालुक्यातील कोरोना संसर्गातून बरे होणाऱ्यांची संख्या तीन झाली असून, या तीनही महिला आहेत.
ग्रीन झोनमध्ये असलेल्या जुन्नर तालुक्यात मुंबईहुन धोलवडला आलेल्या पाहुण्यांच्या रूपाने कोरोनाचा शिरकाव झाला होता. येथील तिघे पॉझिटिव्ह निघाले होते. त्यांच्यावर पुणे येथे उपचार सुरू होते. यापैकी दोघींना हॉस्पिटलमधून घरी सोडण्यात आले असून, तिसरे रुग्ण उपचार घेत आहेत. या पूर्वी डिंगोरे येथील पॉझिटिव्ह महिला उपचार घेऊन बरी झाल्याने 14 एप्रिल रोजी घरी परतली होती. त्यानंतर तालुक्यात एक महिन्यानंतर धोलवड येथे कोरोनाबाधित रुग्ण आढळून आले होते.
जुन्नर तालुक्यात कोरोनाबाधित रुग्ण 22 आढळले आहेत. डिंगोरे येथील 1 व धोलवड येथील 2, अशा एकूण तीन महिला बऱ्या झाल्या असून, औंरगपूर येथील एका पुरुषाचा उपचारादरम्यान मृत्यू झाला आहे. सध्या 18 एक्टिव्ह रुग्ण आहेत. यात नऊ पुरुष व नऊ महिला आहेत. रविवार अखेर 34 जणांचे अहवाल येणे बाकी असल्याचे आरोग्य विभागातून सांगण्यात आले.
पुण्यातील इतर बातम्या वाचण्यासाठी येथे- क्लिक करा
जुन्नर तालुक्यातील गावनिहाय कोरोना रूग्ण : सावरगाव- 5, धोलवड- 1, पारुंडे- 3, मांजरवाडी- 2, आंबेगव्हाण- 2, खिलारवाडी- 1, धालेवाडी तर्फे मिन्हेर- 1, विठ्ठलवाडी वडज- 1, शिरोलीतर्फे आळे- 2.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.