धायरी (पुणे) : पुण्यात सिंहगड रस्ता परिसरातील नऱ्हे येथे असलेल्या श्रीमती काशीबाई नवले हॉस्पिटलमध्ये डिसेंबर महिन्यापासून कर्मचाऱ्यांचे पगार न मिळाल्याने आज सकाळपासून आंदोलन सुरू केले आहे. या आंदोलनात नर्स, डॉक्टर व इतर कर्मचारी सहभागी झाले आहेत.
सध्या पुण्यात कोरोना रुग्णांचा आकडा रोज वाढत आहे. या हॉस्पिटलमध्ये 80 कोरोना बाधित रुग्ण उपचार घेत आहेत. तर 60 जण आयसोलेशनमध्ये आहेत. कर्मचाऱ्यांना गेली सहा महिने पगार न मिळाल्याने अक्षरशः उपासमारीची वेळ आली आहे. मागील आठ दिवसांत गैरहजर असल्याने 300 कर्मचाऱ्यांना कामावरून काढून टाकण्यात आले आहे.
कर्मचाऱ्यांचे गेल्या अनेक महिन्यापासून पगार नसल्याने आश्वासन दिली जातायत. त्यामुळे आज या कर्मचाऱ्यांनी आंदोलन सुरू केले आहे. मात्र, कुठल्याही प्रकारे काम बंद करण्यात आले नाही. परंतु, लवकरात लवकर पगार करण्यात यावा अशी कर्मचाऱ्यांची मागणी आहे.
पुण्यातील इतर बातम्या वाचण्यासाठी येथे- क्लिक करा
समाजकल्याण विभागाकडून अठरा कोटी तसेच शेवटच्या वर्षांच्या विद्यार्थ्यांचे सदतीस कोटी येणे बाकी असल्याने आम्ही पगार देऊ शकत नाही. मात्र, जसे पेमेंट जाम होतील तसे कर्मचाऱ्यांचे पगार करण्यात येतील.
-शालिनी सरदेसाई, डीन, श्रीमती काशीबाई नवले हॉस्पिटल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.