औंध (पुणे) : शिवाजीनगर भागातील मॉडर्न हायस्कूलच्या बाजूला असलेल्या रस्त्यावरील एक झुकलेल्या अवस्थेतील विजेचा खांब हटविण्यात आला आहे. कोसळण्याची शक्यता असलेला 'विजेचा खांब बदलण्याची मागणी' या शिर्षकाखाली 'दै.सकाळ'मध्ये बातमी प्रसिद्ध झाली होती.

- पुण्यात हवाला व्यवहारावर मोठी कारवाई; कोट्यवधी रूपयांची रोकड जप्त

धोकादायक असणारा हा खांब काढून तेथे नवीन बसवावा, अशी मागणी दुर्गा ब्रिगेड महाराष्ट्र राज्य संघटनेच्या अध्यक्षा दुर्गा भोर यांनी महावितरणच्या कार्यकारी अभियंता कार्यालयाकडे निवेदनाद्वारे केली होती. या वृत्ताची दखल घेत हा धोकादायक विद्युत खांब महावितरणकडून हटवण्यात आला आहे. या परिसरात शाळा-महाविद्यालय असल्याने विद्यार्थ्यांनी नेहमी गजबजलेला असतो. तसेच  मोठ्या प्रमाणात रहदारी असून या रस्त्यावरुन अनेक लहान मुले सातत्याने ये-जा करत असतात. यामुळे अपघात होण्याची शक्यता नाकारता येत नव्हती. 

- Farmers Protest: आंदोलनाचा चेहरा बनलेल्या सुखदेव यांनी सांगितलं 'त्या' फोटोमागील सत्य!​

"महावितरणने या भागातील वीजपुरवठा करणाऱ्या केबल भूमिगत केल्याने हा खांब काढायचा राहून गेला होता आणि आता तो हटवण्यात आला आहे," अशी प्रतिक्रिया शिवाजीनगर विभागाचे कार्यकारी अभियंता अविनाश श्रीगडीवार यांनी दिली. 'सकाळ'च्या बातमीमुळे विद्युत विभागाने तत्काळ हा खांब हटवला आणि भविष्यात होणारी दुर्घटना टळली असल्याची प्रतिक्रिया दुर्गा भोर यांनी दिली आणि 'सकाळ'चे आभारही मानले.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)