पुणे : लॉकडाऊन काळात गुन्ह्याचे प्रमाण घटले असले तरी पूर्णतः थांबलेले नाही. त्यामुळे पोलिसांना संशयितांना अटक करून न्यायालयात हजर करावे लागत आहे. मात्र आरोपींची बाजू मांडण्यासाठी वकील मिळत नसल्याची स्थिती सध्या येथील न्यायालयात पाहायला मिळत आहे.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

सध्या न्यायालयात केवळ तात्काळ प्रकरणांवर सुनावणी सुरू आहे. मात्र त्यासाठी देखील वकील मिळत नाही. त्यामुळे आरोपींना वकिलांचा शोध घ्यावा लागत आहे. ही बाब न्यायालयाच्या निदर्शनास आल्याने आता आरोपींना त्यांची बाजू मांडता यावी म्हणून विधी सेवा प्राधिकरणामार्फत मोफत वकील देण्यात येत आहे. लॉकडाउनच्या आरोपींना वकील न मिळाल्यास त्यांना विधी सेवा प्राधिकरणामार्फत वकील देण्यात यावा, असे निर्देश मुंबई उच्च न्यायालयाने सर्व विधी सेवा प्राधिकरणाला दिले आहेत. त्यानुसार आरोपींना मोफत वकील सुविधा देण्यात येते आहे.

पुणेकर कन्फ्यूज; सरकार म्हणतंय दुकानं सुरू, व्यापाऱ्यांची वेगळीच भूमिका

याविषयी अधिक माहिती देताना पुणे जिल्हा विधी सेवा प्राधिकरणाचे सचिव सी. पी. भागवत यांनी सांगितले, लॉकडाउनच्या काळात आरोपींना वकील न मिळाल्यास त्यांना विधी सेवा प्राधिकरणामार्फत वकिल देण्यात येत आहेत.  प्राधिकरण कायद्यानुसार गरजु लोकांना आर्थिकदृष्ट्या दुर्बल असलेल्या लोकांना मोफत कायदा सेवा देण्यात येते. प्राधिकरणातर्फे मोफत कायदेविषयक मार्गदर्शन केले जाते. सध्या न्यायालयात फक्त तातडीच्या दाव्यांची सुनावणी घेतली जाते आहे. खूनाच्या एका गुन्ह्याच्या आरोपीला न्यायालयात हजर करण्यात आल्यानंतर त्याकडे वकील नसल्याचे लक्षात आले. त्यामुळे त्याला वकील देण्यात आला. कोर्ट हॉलमध्ये सुनावणी घेताना न्यायाधीश चेंबरमध्ये बसून व्हिडीओ कॉन्फरसिंगद्वारे कोर्ट हॉलमध्ये असलेले आरोपीचे वकील आणि सरकारी वकील यांच्याबरोबर संवाद साधून कामकाज पाहत आहे.

पुणेकरांनो ऐकलं का? जीवनावश्‍यक वस्तूंसह इतर दुकाने खुली; कंटेन्मेंट झोनमध्ये बंदी