पारगाव (पुणे) : अवसरी बुद्रुक (ता. आंबेगाव) येथील पाच एकर जागेत सुमारे 35 ते 40 लाख रुपये खर्च करून ग्रामपंचायतच्या वतीने सुरु करण्यात आलेला ज्येष्ठ नागरिकांसाठी नाना नानी पार्क व तरुणांसाठी ओपन जिमच्या जागेचा उपयोग तळीराम दारू पार्टी, गांजा ओढण्यासाठी करत आहेत. दारू पिणारे ज्येष्ठ नागरिकांना शिवीगाळ व दमदाटी करतात. त्यामुळे संबंधितांवर कडक कारवाई अशी मागणी ज्येष्ठ नागरिकांच्या वतीने होत आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

जिल्हा परिषद व ग्रामपंचायतच्या वतीने महादेव मंदिर परिसरात पाच एकर जागेत ज्येष्ठ नागरिकांसाठी जॉगिंग ट्रॅक, नाना नानी पार्क व तरुणांसाठी ओपन जिम उभारण्यात आलेल्या परिसराला संरक्षक भिंत, जागा सुधारणा, व्यायाम साहित्य, जॉगिंग ट्रॅकच्या कामासाठी एकूण 35 ते 40 लाख रुपये खर्च करण्यात आला.
दररोज पहाटे व संध्याकाळी ज्येष्ठ नागरिक, महिला नाना नानी पार्क येथे फिरण्यासाठी व व्यायामासाठी येत असतात. स्थानिक तरुण सायंकाळी चार नंतर क्रिकेट व्हॉलीबॉल खेळण्यासाठी व व्यायामासाठी गर्दी करतात मात्र, मागील काही दिवसांपासून अज्ञात तरुण या नाना नाणी पार्क चा उपयोग दारू पार्टी, गांजा ओढण्यासाठी करत असल्याच्या ज्येष्ठ नागरिकांकडून तक्रारी आल्या आहेत. 

वाघोलीतील विकासकामांना निधी द्या; वाचा, कोणी केली मागणी?

ज्येष्ठ नागरिक या तरुणांना समजावण्यासाठी गेले असता ज्येष्ठ नागरिकांना दमदाटी व शिवीगाळ केल्याने येथे दहशतीचे वातावरण निर्माण झाले आहे.
त्यामुळे ज्येष्ठ नागरिक महिला मद्यपींना घाबरुन या ठिकाणी येण्याचे बंद झाले आहे. परिसरात जेष्ठ नागरिक येत नसल्याने काही ठिकाणी गवतही वाढले आहे. त्यामुळे संबंधितांवर कडक कारवाई अशी मागणी ज्येष्ठ नागरिकांच्या वतीने होत आहे.
 

राजसाहेबांच्या भेटीने मनसैनिकांना दहा हत्तींचे बळ

याबाबत मंचर पोलिस स्टेशनचे पोलिस निरीक्षक कृष्णदेव खराडे यांच्याशी संपर्क साधला असता त्यांनी सांगितले की, अवैध दारू पार्टी करणाऱ्या तरुणांचा शोध घेऊन कायद्याचा जरब दाखवला जाईल व त्यांच्यावर गुन्हे दाखल करण्यात येतील असे सांगितले.