बारामती : सत्ता संघर्षाच्या घडामोडी झाल्यानंतर आता सर्व आमदार आपल्या आपल्या मतदारसंघांमध्ये बिझी आहेत. राष्ट्रवादी काँग्रेस नेते अजित पवार देखील त्यांच्या बारामती विधानसभा मतदारसंघात कार्यरत आहेत आणि कामकाजाच्या बैठकाही सुरू आहेत. आज, सकाळी अजित पवार बारामतीत नियोजित बैठकांना उपस्थित राहण्याच्या तयारी असताना, ते मुंबईला निघून गेले आहेत.
काय घडलं?
माजी उपमुख्यमंत्री अजित पवार आज आपला बारामती दौरा अर्धवट सोडून तातडीने मुंबईला निघून गेले. अजित पवार अचानकच मुंबईला निघून गेल्यामुळे मंत्रिमंडळ विस्ताराबाबत हालचालींना प्रारंभ झाला की काय? अशी शक्यता व्यक्त होत आहे.
अजित पवार काल रात्री बारामतीत आले होते. आज सकाळी त्यांनी कार्यकर्त्यांच्या भेटी घेतल्या. त्या नंतर बारामती नगरपालिकेच्या नगरसेवकांसोबत त्यांची बैठक ठरली होती, त्या नंतर सोमेश्वर कारखान्याच्या पदाधिका-यांसोबत पवार चर्चा करणार होते. सार्वजनिक बांधकाम विभागाच्या विश्रामगृहावर ही बैठक होणार होती. मात्र, अचानकच एक फोन आल्यानंतर अजित पवार तातडीने मुंबईच्या दिशेने रवाना झाले.
कोणाचा फोन आला?
अजित पवार यांना कोणाचा फोन आला?, यावरून चर्चा सुरू होती. पण. ज्येष्ठ नेते शरद पवार यांचा फोन आल्यानंतर अजित पवार मुंबईला गेल्याची चर्चा आहे. दरम्यान, आज राष्ट्रवादीच्या कार्यकर्त्यांनी अजित पवार यांच्याशी चर्चा केली. मतदारसंघातील विविध कामेही त्यांनी आज सकाळपासून मार्गी लावली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.