Sharad_Pawar 
पुणे

Bihar Election: बिहारमध्ये आम्ही जाणीवपूर्वक लक्ष घातले नाही; शरद पवारांचा टोला

सकाळ वृत्तसेवा

Bihar Election : पुणे : ''बिहार निवडणुकीत आम्ही जाणीवपूर्वक लक्ष घातले नाही. निवडणूक मुख्यत्वे नितीशकुमार विरुद्ध तेजस्वी यादव अशी होती. तेजस्वीला संपूर्ण मोकळीक मिळावी म्हणून आम्ही या निवडणुकीसाठी लांब राहिलो. ज्या पद्धतीने तेजस्वीने लढत दिली, यश मिळवले ते आगामी काळात राजकारणातील तरुण पिढीसाठी प्रेरणादायी ठरणार आहे. बिहारमध्ये आमच्या अपेक्षेप्रमाणे निकाल लागला नाही हे खरं आहे,'' अशी प्रतिक्रिया राष्ट्रवादी काँग्रेसचे अध्यक्ष शरद पवार यांनी दिली आहे. 

शरद पवार पुढे म्हणाले, ''बिहारमधील निवडणुकीत एका बाजूला पंतप्रधान बिहारचे मुख्यमंत्री आणि भाजपचे सर्व नेते प्रचारामध्ये होते, तर दुसर्‍या बाजूला एक अनुभव नसलेला तरुण नेता निवडणूक लढवत होता. त्यामुळे तेजस्वी यादव यांना जेवढ्या काही जागा मिळतायत ती त्यांची अचिव्हमेंट म्हणावी लागेल. तेजस्वी यादव यांच्या या यशामुळे तरुणांना प्रेरणा मिळेल आणि इतरांनाही मार्ग दिसेल.''

जाणीवपूर्वक लक्ष दिलं नाही
''बिहारच्या निवडणुकीत राष्ट्रवादी काँग्रेस काही जागा लढवत होती; परंतु तेजस्वी यादव यांना मदत व्हावी, यासाठी आम्ही या निवडणुकीकडे फारसं लक्ष दिलं नाही. या निकालाचा परिणाम इतर राज्यांवर कसा होईल? हे सांगता येणार नाही, पण तमिळनाडूमध्ये याचा काही परिणाम होईल, असं वाटत नाही. दुसरीकडे पश्चिम बंगालमध्ये काय होईल हे बघावे लागेल. आरजेडी आणि काँग्रेस यांच्यामध्ये जागा वाटप कसं ठरलं होतं याबद्दल मला माहिती नाही, त्यामुळे याविषयी बोलता येणार नाही, असंही पवार यांनी सांगितलं.

ती गोष्ट लक्ष्यात आणून दिल्याबद्दल धन्यवाद
देवेंद्र फडणवीस यांनी बिहार निवडणुकीमध्ये महत्त्वाची भूमिका बजावली. त्यांच्यामुळे बिहारमध्ये भाजपच्या जागा वाढल्याचा दावा केला जातोय. याबाबत शरद पवार यांना विचारले असता त्यांना खोचक प्रतिक्रिया दिली. ते म्हणाले, 'आमच्या डोक्यात ही गोष्ट आली नव्हती. ती आणून दिल्याबद्दल धन्यवाद.' 

दिवाळी पाडव्याच्या कार्यक्रमाबाबत पवार म्हणाले
कोरोना व्हायरस पुन्हा पसरू नये, याबाबत काळजी घेण्याची गरज आहे. पंतप्रधान, आरोग्य मंत्रालय तसेच अनेकांनी याबद्दल आवाहन केले आहे. त्यामुळे दिवाळी पाडव्याला गोविंद बागेत आयोजित करण्यात येणारा कार्यक्रम रद्द करण्यात आला आहे. कोरोनामुळे यंदा दिवाळीत लोकांना भेटता येणार नसल्याबाबतही त्यांनी नाराजी व्यक्त केली.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Video : "आरतीपेक्षा धिंगाणा जास्त" गणपतीच्या पूजेला कलाकारांचा डान्स पाहून नेटकरी भडकले ! म्हणाले..

Maratha Reservation : अटल सेतूवर मराठा आंदोलक प्रचंड आक्रमक; पोलिसांशी चकमक; मुख्यमंत्री फडणवीस यांच्या विरोधात जोरदार घोषणाबाजी

Shivpratishthan Hindustan : राजू शेट्टी, सदाभाऊ खोत, रघुनाथ पाटील गोतस्कारांचे पाठीराखे, शिवप्रतिष्ठानचा आरोप

Chandrayaan-5 : हिंदी-चीनी पुन्हा भाई भाई? भारत-चीन मिळून लाँच करणार चंद्रयान 5, टोकियोतून काय बोलले PM मोदी?

Nashik Ganeshotsav : नाशिकमध्ये गणेशोत्सवामुळे वाहतूक बदलाचे नियोजन; 'या' मार्गांवर 'नो एन्ट्री'

SCROLL FOR NEXT