पुणे : सामान्य खातेधारक आणि कर्जदारांसाठी सहकारी बँका हा महत्त्वाचा दुवा असून, सहकारी क्षेत्राचे सक्षमीकरण करण्याची गरज आहे, असे मत भाजपचे प्रदेशाध्यक्ष आमदार चंद्रकांत पाटील यांनी व्यक्त केले.
कोथरूडचे आमदार म्हणून निवडून आल्यावर उद्यम विकास सहकारी बॅंकेच्या वतीने त्यांच्या सत्काराचे आयोजन करण्यात आले होते. या वेळी संचालक मंडळाशी चर्चा करताना त्यांनी उद्यम सहकारी बँकेने सातत्याने 'अ' दर्जा टिकविल्याबद्दल समाधान व्यक्त केले.
दरम्यान, संचालक मंडळाच्या सचोटीचे व विपरीत परिस्थितीत नेटाने काम करण्याच्या चिकाटीचे कौतुक केले. शेतकऱ्यांप्रमाणेच उद्योजकांनासुद्धा अनुदान देण्याची योजना आपण आखली होती असे त्यांनी नमूद केले.
यावेळी उद्यम विकास सहकारी बॅंकेच्या २०२० सालच्या कॅलेंडरचे प्रकाशन पाटील यांच्या हस्ते करण्यात आले. या वेळी
बॅंकेचे अध्यक्ष महेश लडकत, उपाध्यक्ष शिरीष कुलकर्णी, माजी अध्यक्ष व संचालक संदीप खर्डेकर, लीनाताई अनास्कर, तज्ञ संचालक दिनेश गांधी, महेंद्र काळे, दिलीप उंबरकर, पी. के. कुलकर्णी, मनोज नायर, गोकुळ शेलार, सीताराम खाडे, राजन परदेशी, मुख्य कार्यकारी अधिकारी दीपक देशपांडे व कर्मचारी उपस्थित होते. अध्यक्ष महेश लडकत व उपाध्यक्ष शिरीष कुलकर्णी यांच्या हस्ते पाटील यांचा सत्कार करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.