पुणे : दुचाकीचे वाढते अपघात व त्यामुळे नागरिकांच्या होणाऱ्या मृत्युच्या घटना लक्षात घेऊन केंद्र सरकारने दुचाकी प्रवासासाठी नुकतीच नवीन नियम जारी केले आहेत. त्यानुसार दुचाकीला पायदान, हॅन्डहोल्ड व हलका कंटेनर सारखे सुटे भाग बसविण्याच्या सुचना करण्यात आल्या आहेत.

- कॅनॉलमध्ये वाहत चाललेल्या 'त्या' मायलेकींच्या मदतीला धावला देवदूत!​

भरधाव दुचाकीच्या चाकात साडी अडकुन झालेल्या अपघातात महिलेचा मृत्यु होतो, तर कधी दुचाकीला आवश्यक असणाऱ्या हॅन्डहोल्ड सारखे सुटे भाग न लावल्यामुळे दुचाकीवरुन तोल जाऊन खाली पडल्याने मृत्यू होण्याच्या घटना घडतात. अशा अनेक छोट्या-छोट्या घटनांची केंद्र सरकारच्या रस्ते व महामार्ग मंत्रालयाने गांभीर्याने दखल घेतली आहे. त्यानुसार त्यांनी दुचाकीस्वार व त्यांच्या पाठीमागे बसणाऱ्या व्यक्तीसाठी नवे नियम केले आहेत. 

''अनेक दुचाकीमध्ये दुचाकीस्वार व पाठीमागे बसणाऱ्या व्यक्तीच्या सुरक्षिततेच्या दृष्टीने आवश्यक सुटे भाग बसविलेले नसल्याची सद्यस्थिती आहे. यावर रस्ते व महामार्ग मंत्रालयाने गांभीर्याने लक्ष दिले आहे.तसेच संबंधित नियमात वेळोवेळी बदल करण्यात येतील'', असेही रस्ते व महामार्ग मंत्रालयाने नमुद केले आहे.

अकरावी अॅडमिशन : पहिल्या दिवशी 'इतक्या' विद्यार्थ्यांनी केले ऑनलाईन रजिस्ट्रेशन!
 

असे आहेत दुचाकीसाठीचे नवे नियम
- दुचाकीस्वाराच्या मागे बसणाऱ्या व्यक्तीला पकडण्यासाठी हैण्ड होल्ड बसवावा
- पाठीमागे बसणाऱ्या व्यक्तीच्या सुरक्षिततेसाठी दोन्ही बाजूला पाय ठेवण्यासाठी पायदान बसवावेत
- दुचाकीच्या पाठीमागील टायरचा डावा भाग पूर्णपणे सुरक्षितरीत्या झाकलेला असावा. त्यामुळे पाठीमागील व्यक्तीचे कपडे अडकणार नाहीत.
- दुचाकीस्वाराच्या मागे किंवा पाठीमागे बसणाऱ्या व्यक्तीच्या मागे हलका कंटेनर बसवावा. (कंटेनरची लांबी - 550 मिमी, रुंदी 510 मिमी व उंची 500 मिमी अधिक नसेल) 

- ताज्या बातम्यांसाठी डाऊनलोड करा ई-सकाळचे ऍप
- पुण्याच्या बातम्या वाचण्यासाठी येथे क्लिक करा

(edited by : sharayu kakade)