जेजुरी (पुणे) : नवविवाहितांनो जेजुरीत येतात थोडे थांबा...मुख्य रस्ता सोडून शहरात गाडी गेल्यास आपली गाडी ताब्यात घेऊन संबंधितावर कारवाई होणार आहे. नवविवाहित जेजुरीत येऊ लागल्याने जेजुरी पोलिसांना याबाबत आवाहन करावे लागले आहे.
लग्नानंतर नवविवाहित परंपरेनुसार कुलधर्म कुलाचार करण्यासाठी जेजुरीच्या खंडोबाला येण्याची परंपरा आहे. सध्या लॉकडाउनच्या काळातही साध्या पद्धतीने लग्न होत आहेत. मात्र, खंडोबा मंदिर सतरा मार्चपासून बंद आहे. दर्शनासाठी गडावरील सर्व रस्ते बंद आहेत. मात्र, तरीही लग्नानंतर नवविवाहित खंडोबाच्या दर्शनासाठी म्हणून जेजुरीच्या पहिल्या पायरीच्या दर्शनासाठी येत आहेत. त्यामध्ये रेडझोनमधील चारचाकी वाहने नवविवाहितांना घेऊन येताना दिसत आहेत.
या प्रकारांमुळे येथील ग्रामस्थांमध्ये भीतीचे वातावरण तयार झाले आहे. त्यामुळे आज जेजुरी पोलिसांनी एक पत्रक काढून जेजुरीत नवविवाहित अथवा दर्शनाच्या उद्देशाने आल्यास संबंधित गाडी ताब्यात घेतली जाईल व संबंधितावर कायदेशीर तत्काळ कायदेशीर कारवाई केली जाईल, असे सहायक पोलिस निरीक्षक अंकुश माने यांनी जाहीर केले आहे.
दरम्यान, मुख्य रस्त्यापासून खंडोबा मंदिराकडे जाणारे रस्ते बंद केले असून, त्यावर पोलिसांचा खडा पहारा ठेवण्यात आला आहे. मात्र, तरीही नवविवाहितांच्या काही गाड्या नंदी चौकापर्यंत गेल्याने नागरिकांमध्ये भीतीचे वातावरण आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.