इंदापूर (पुणे) : इंदापूर शहरातील 40 जणांचे नमुने कोरोना चाचणीसाठी पाठविण्यात आले होते. त्यातील नऊ जण कोरोनाबाधित असल्याचे आढळून आले आहे.
इंदापूर शहरातील एक मध्यमवयीन महिला व पुरुष कोरोनाबाधीत असल्याचे आढळले होते. दोन्ही रुग्णांच्या संपर्कात आलेल्या 40 जणांचे नमुने कोरोना चाचणीसाठी पाठविण्यात आले होते. त्यापैकी महिलेच्या थेट संपर्कात आलेले नऊ जण कोरोनाबाधित असल्याचे आढळून आले आहे. त्यांच्यावर इंदापूर येथील कोरोना केअर केंद्रात औषधोपचार सुरू असल्याची माहिती तहसीलदार सोनाली मेटकरी व उपजिल्हा रुग्णालयाचे प्रभारी वैद्यकीय अधीक्षक डॉ. एकनाथ चंदनशिवे यांनी दिली.
इंदापूर शहरातील कसबा परिसरात राहणारी संबंधित महिला 12 जून रोजी सकाळी कोरोनाबाधित असल्याचे स्पष्ट झाले होते. त्याच दिवशी दुपारी पुणे येथील खाजगी रुग्णालयात दाखल असलेला रुग्ण कोरोनाबाधीत असल्याचे दिसून आले होते. एकाच दिवशी दोन रुग्ण आढळून आल्याने शहरात खळबळ उडाली होती. त्यानंतर त्यांच्या संपर्कात आलेल्याचे नमुने तपासणीसाठी पाठविण्यात आले होते. तसेच, शहरातील संबंधित प्रभाग सील करण्यात आले आहेत.
ज्या रुग्णांना फ्ल्यूसारखी लक्षणे आढळून येत आहेत, त्यांनी तत्काळ उपजिल्हा रुग्णालयाशी संपर्क साधण्याचे आवाहन नगराध्यक्षा अंकिता शहा व मुख्याधिकारी डॉ. प्रदिप ठेंगल यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.