पुणे  : पुण्यातील शाळा सुरु होण्यासंदर्भात अद्यापही अनिश्चितता दिसत आहे. तब्बल नऊ महिन्यांनंतर शहरातील सर्वच शाळांमधील घंटा सोमवारी (ता.4) वाजेल, अशी अपेक्षा होती. मात्र, महापालिकेकडून शहरातील सर्व शाळांची तपासणी होऊ शकली नाही. त्यातच मुलांना शाळेत पाठवण्याबाबत पालकांकडून हमीपत्र भरून देण्यास अत्यल्प प्रतिसाद मिळाला आहे. शाळा सुरु होणार या आशेने आलेल्या विद्यार्थ्यांना पुन्हा घरी जावे लागणार आहे.

पुणेकरांनो, फक्त 66 शाळाच सोमवारपासून सुरू होणार!​

राज्य सरकारने इयत्ता नववी ते बारावीपर्यंतचे वर्ग सुरू करण्याची मान्यता दिली आहे. राज्यभरातील शाळा सुरू झाल्या, पण विद्येचे माहेरघर असलेल्या पुण्यातील शाळा सुरू होऊ शकल्या नाहीत. यापूर्वी दोन वेळा शाळा सुरू करण्याचा मुहूर्त पुढे ढकलावा लागला. मात्र, तिसऱ्या वेळेस महापालिका प्रशासन 4 जानेवारीपासून शहरातील शाळा सुरू करण्यावर ठाम राहिले आहे. मात्र, शिक्षकांचा कोरोना चाचणीचा अहवालही शिक्षण विभागाला सादर न झाल्याने अनेक शाळांचे टाळे कायम राहणार आहे. त्यामुळं शाळेची घंटा वाजणार का, याबद्दल प्रश्नचिन्ह निर्माण झालं आहे. 

'आज शाळा सुरू होईल' या आशेने मुलं शाळेत आलेत पण, त्यांना पुन्हा घरी जावं लागणार आहे, कारण शिक्षकांनी स्पष्ट आदेश दिले नाहीत, पालकांनी संमती पत्र दिले नाहीत, त्यामुळे शाळा सुरू होणार नाही अस चित्र दिसत आहे.

- पधारो म्हारे देस; उजनी धरण परिसरात फ्लेमिंगो पक्ष्यांचे आगमण​