मंचर : आंबेगाव तालुक्यात दिवाळीनंतर कोरोना बाधित रुग्णांच्या संख्येत वाढ होत चालली आहे. पूर्वी तीन किंवा चारपेक्षा अधिक रुग्ण आढळून येत नव्हते. पण शुक्रवारी (ता. २०) रोजी १०  कोरोनाबाधित रुग्ण आढळून आले आहेत. आंबेगाव तालुक्यासाठी ही धोक्याची घंटा असल्याची चर्चा नागरिकांप्रमाणेच वैद्यकीय क्षेत्रात सुरु आहे.

- पुण्याच्या बातम्या वाचण्यासाठी येथे ► क्लिक करा

मंचर पाच, नारोडी , खडकी, पारगाव , वडगाव काशिंबेग येथे प्रत्येकी एक कोरोना बाधित रुग्ण आढळून आला आहे. एकूण रुग्णसंख्या चार हजार १३४ झाली असून, तीन हजार ९१५ रुग्ण बरे झाले आहेत. आत्तापर्यंत एकूण ११०  रुग्णांचा मृत्यू झाला असून, १०९ रुग्णांवर उपचार सुरू आहेत. अशी माहिती आंबेगाव तालुक्याचे गटविकास अधिकारी जालिंदर पठारे यांनी दिली.

२००५ नंतरच्या शिक्षकांना पेन्शन योजना लागू करण्यासाठी प्रयत्न करणार : चंद्रकांत पाटील

सोशल डिस्टन्सिंगचा बोजवारा उडाला आहे. मास्क न वापरता फिरणाऱ्यांची संख्या वाढत चालली आहे. दुकानदाराकडूनही सँनिटायझरचा वापर केला जात नाही. त्यामुळे कोरोना संसर्ग वाढत चालला आहे. कोरोनाची दुसरी लाट रोखण्यासाठी प्रशासनाने  तातडीने उपाययोजना हाती घ्याव्यात. -संजय गवारी, सभापती आंबेगाव तालुका पंचायत समिती 

पुण्यात लवकरच सुरु होत आहे वैद्यकीय महाविद्यालय

मंचर कोविड उपजिल्हा रुग्णालयात शुक्रवारी (ता. २०) रोजी ४४ संशयितांची कोविड चाचणी घेतली. त्यामध्ये पाच पॉझिटिव्ह रुग्ण आढळून आले आहेत. एकूण ३२ कोरोना बाधित रुग्णांवर उपचार सुरु आहेत. -डॉ. अंबादास देवमाने, वैद्यकीय अधीक्षक 

अवसरी खुर्द शासकीय तंत्र निकेतन महाविद्यालयात कोविड उपचार केंद्रात रविवार (ता. १५) ते गुरुवार (ता. १९) पर्यंत ६५ संशयितांपैकी सात रुग्ण पॉझिटिव्ह आले आहेत, असे डॉ. सीमा देशमुख यांनी सांगितले. दिवाळीनंतर मंचर शहरात एकूण २२ पॉझिटिव्ह रुग्ण आढळून आले आहेत. -डॉ. सुरेश देशमुख, आरोग्य अधिकारी, आंबेगाव तालुका

(संपादन : सागर डी. शेलार)